ఆఫ్రో-ఆసియా క్రీడలు వాయిదా

న్యూఢిల్లీః అమెరికాలో టెర్రరిస్టులు సృష్టించిన బీభత్సం నేపథ్యంలో నవంబర్‌ 3 నుంచి 11 వరకు రాజధాని ఢిల్లీలో జరగాల్సిన ఆఫ్రో ఆసియా క్రీడలను వాయిదా వేయాలని నిర్ణయించారు.

ప్రస్తుత పరిస్థితుల్లో ఈ క్రీడల నిర్వహణ దేశ భద్రత దృష్ట్యా సమంజసం కాదని ప్రధాని వాజ్‌పేయి అధ్యక్షతన జరిగిన అత్యన్నత స్థాయి కమిటీ సమావేశం అభిప్రాయపడింది. క్రీడల నిర్వహణకు ఏర్పాట్లు దాదాపు పూర్తయ్యే దశలో వున్నప్పటికీ పరిస్థితి క్రీడల నిర్వహణకు అనుగుణంగా లేదని సమావేశం అభిప్రాయపడింది. క్రీడల నిర్వహణను ప్రస్తుతానికి వాయిదా వేసి తర్వాత ఎప్పుడు నిర్వహించేది తిరిగి సమావేశమై నిర్ణయించాలని సమావేశం అభిప్రాయపడింది.