12 మంది హైజాకర్ల గుర్తింపు

By Staff

Published: Thursday, September 13, 2001, 23:53 [IST]

వాషింగ్టన్‌: మధ్య ప్రాచ్య దేశాలకు చెందిన 12 మందికిపైగా హైజాకర్లను అమెరికా అధికారులు గుర్తించారు.వీరికి అంతర్జాతీయ తీవ్రవాది ఒసామా బిన్‌ లాడెన్‌తో, ఇతర తీవ్రవాద సంస్థలతో గల సంబంధాలపై సాక్ష్యాధారాలనుసేకరిస్తున్నారు.

కొందరు హైజాకర్లు కెనడాలో ప్రవేశించారనే అనుమానంతో సరిహద్దుల నుంచి అమెరికా అధికారులు దర్యాప్తును ప్రారంభించారు. వాణిజ్య జెట్‌లైనర్లను నడిపే తీరుపై దాడులకు ముందు కొందరు ఫ్లోరిడాలో శిక్షణ పొందినట్లు అధికారులు అనుమానిస్తున్నారు. మస్సాచుసెట్స్‌లో, ఫ్లోరిడాలో సాక్ష్యాధారల కోసం సోదాలు జరిపారు.

సంబంధం లేని స్థానిక వారంట్లకు, వలసకు సంబంధించిన ఆరోపణలపైఅర డజను మందిని మస్సాచుసెట్స్‌లో, ఫ్లోరిడాలోఅరెస్టు చేశారు. వీరికి హైజాకర్లతో గల సంబంధాల గురించి అధికారులు ఆరా తీస్తున్నారు. అయితే దాడుల ఆరోపణలను వారిపై నమోదు చేయలేదు.
ఫ్లోరిడాలోని ఇద్దరి పేర్ల గురించి అధికారులు ఆరా తీశారు.వీరికి ఏడాది క్రితం తాత్కాలికంగా ఆశ్రయం ఇచ్చిన కుటుంబాన్ని ఫెడరల్‌ బ్యూర్‌ ఆఫ్‌ ఇన్వెస్టిగేషన్‌ ప్రశ్నించింది.

హైజాకింగ్‌లో, దాడుల్లో టెర్రరిస్టు గ్రూప్‌లకు చెందిన చాలా విభాగాలు పాల్గొన్నాయని, హైజాకర్లకు సౌదీఅరేబియా, ఈజిప్టు వంటి దేశాలతో సంబంధాలు వుండవచ్చునని
అధికారులు అంటున్నారు.

ఈ దాడులతో సంబంధం వున్న కొన్ని టెర్రరిస్టుల గ్రూపుల సమాచారం వున్నదని ఎఫ్‌బిఐ డైరెక్టర్‌ రాబర్ట్‌ ముల్లర్‌ అన్నారు. ఆ గ్రూపులేవనేవిషయాన్ని, లాడెన్‌తో వాటికి సంబంధాలున్నాయా అనేవిషయాలను వెల్లడించడానికి ఆయన నిరాకరించారు.

హైజాకర్లలో కొందరు కెనడా సరిహద్దులను దాటి బోస్టన్‌ చేరుకని వుంటారని అధికారులుఅంటున్నారు. మైనెలోన, నోవా స్కోటియాలో అనుమానం వున్న వాహనాలను అధికారులు సోదా చేశారు. బోస్టన్‌విమానాశ్రయం వద్ద మూడో కారు అధికారుల దృష్టికి వచ్చింది. ఈ కారులోఅరబిక్‌ భాషలో గల ఫ్లయిట్‌ మాన్యువల్‌ దొరికింది.

సంబంధితవార్తలుః