మావోల దాడిలో ఐదుగురు మృతి

పాట్నా‌: మావోయిస్టు తీవ్రవాదులు బీహార్ లో గురువారం రాత్రి ఐదుగురిని హత్య చేశారు. మరణించినవారిలో నలుగురు పోలీసులు కాగా, ఒకరు ఎన్నికల అధికారి. పోలీసులు, ఒక ఎన్నికల అధికారి పోలింగ్ స్టేషనుకు కాపలాగా ఉన్న సమయంలో నక్సల్స్ మందుపాతర పేల్చారు. ముజఫర్ నగర్ పట్టణానికి ఇది సమీపంలో ఈ సంఘటన జరిగింది.

బీహారులో రెండో విడత గురువారం పోలింగ్ జరిగింది.మావోయిస్టుల కోసం పోలీసులు విస్తృతంగా గాలింపు చర్యలు చేపట్టారు. తొలి విడత జరిగిన పోలింగ్ సందర్భంగా మావోయిస్టుల దాడుల్లో 19 మంది మరణించారు. బీహారులో 40 పార్లమెంటు స్థానాలున్నాయి. ఈ స్థానాలకు నాలుగు విడతల్లో పోలింగ్ జరుగుతోంది.