విద్యుత్ కోతపై చిరు ధ్వజం

హైదరాబాద్: రాష్ట్రంలో విద్యుత్ కోతపై ప్రజారాజ్యం అధినేత చిరంజీవి ధ్వజమెత్తారు. రాష్ట్రంలో అప్రకటిత విద్యుత్ కోతను విధిస్తున్నారని ఆయన విమర్శించారు. ఈ మేరకు ఆయన ఆదివారం ఒక ప్రకటన విడుదల చేశారు. విద్యుత్ కోతతో గ్రామాలు అంధకారంలో మగ్గుతున్నాయని ఆయన అన్నారు.

పరిశ్రమలకు విద్యుత్ కోత విధించడం వల్ల లఘు పరిశ్రమలు మూత పడుతున్నాయని, ఉద్యోగులు ఉపాధి కోల్పోతున్నారని ఆయన అన్నారు. ఇప్పటికైనా ప్రభుత్వం ప్రజా సమస్యలపై దృష్టి పెట్టాలని ఆయన అన్నారు.