ప్రియాంక భద్రతా వలయంలోకి జవాను

రాయబరేలీ: కాంగ్రెస్ అధ్యక్షురాలు సోనియా గాంధీ కూతురు ప్రియాంక గాంధీ భద్రత వలయాన్ని ఛేదించుకుని ఒక జవాను ముందుకు వెళ్లే ప్రయత్నం చేశాడు. దీంతో తీవ్ర ఉద్రిక్తత చోటు చేసుకుంది. అడ్డగించడానికి ప్రయత్నించిన భద్రతా సిబ్బందితో ఆ జవాను తగాదాకు దిగాడు. రాయబరేలీ నియోజకవర్గంలోని హర్ చంద్ పూర్ లో ప్రచారం నిర్వహిస్తుండగా ఈ సంఘటన చోటు చేసుకుంది. సోనియా గాంధీ కోసం ఆమె ప్రచారం చేస్తున్న విషయం తెలిసిందే.

ఎస్పీజి అధికారి, కాంగ్రెస్ కార్యకర్తలను తోసుకుని ప్రియాంక గాంధీ వైపు తోసుకెళ్లడానికి ఆ జవాను ప్రయత్నించాడు. జవాను మానసిక స్థితి సరిగా లేదని భావిస్తున్నారు. జవాను సరైన స్థితిలో లేడని కాంగ్రెసు నాయకులు అంటున్నారు.