మాయ ఉంటే మేం ఉండం: అమర్

కోల్ కత్తా: బిఎస్పీ నేత మాయావతి ఉంటే తాము తృతీయ ఫ్రంట్ కు మద్దతు ఇవ్వబోమని సమాజ్ వాదీ పార్టీ ప్రధాన కార్యదర్శి అమర్ సింగ్ స్పష్టం చేశారు. మాయావతి ఉన్నంత వరకు వామపక్షాలతో కూడా తాము స్నేహం చేయబోమని ఆయన చెప్పారు. కాంగ్రెసుతో కలవడానికి తాము వ్యతిరేకంగా లేమని ఆయన ఆదివారం మీడియా ప్రతినిధుల సమావేశంలో స్పష్టం చేశారు.

సిపిఎంపై ఆయన తీవ్రంగా ధ్వజమెత్తారు. హరికిషన్ సింగ్ సూర్జీత్ ఉన్నప్పుడు తమకు వామపక్షాలతో మంచి సంబంధాలున్నాయని, ప్రకాష్ కారత్ అటువంటి వ్యక్తి కారని ఆయన అన్నారు. ఎన్నికల ఫలితాల తర్వాతనే పరిస్థితిని బట్టి ఎవరు ప్రధాని అనే విషయంపై నిర్ణయానికి వస్తామని ఆయన చెప్పారు.