గాంధీ మార్గంపై రాయాలని : బ్రౌన్‌

లండన్‌ : 20 శతాబ్దపు మహానీయుల్లో ఒకరైన అహింసామూర్తి మహాత్మాగాంధీ ప్రపంచ మానవాళికి ప్రసాదించిన శాంతితత్వంపై తనకు రచనలు చేయాలని వుందని బ్రిటన్‌ ప్రధానమంత్రి గార్డన్‌ బ్రౌన్‌ అన్నారు. ఎలాంటి పదవీకాంక్ష లేకుండా ప్రజల ఆలోచనాసరళిని మార్చేందుకు ఆయన చేసిన కృషి చిరస్మరణీయమని ఒక పత్రికకు ఇచ్చిన ఇంటర్వ్యూలో బ్రౌన్‌ వెల్లడించారు. అహింసాయుత పద్దతుల ద్వారా స్వాతంత్య్రపోరాటం చేయడం వినూత్నమని బ్రిటన్‌ ప్రధానమంత్రి అన్నారు. భవిష్యత్తులో అంతర్జాతీయ వ్యవహారాల్లో భారత్‌ కీలకమైన పాత్రను పోషించనుందని ఆయనన్నారు