• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సమైక్యాంధ్రపై చిరంజీవి నిర్ణయం వాయిదా

By Pratap
|

Chiranjeevi
హైదరాబాద్: ప్రత్యేక తెలంగాణ, సమైక్యాంధ్ర వివాదంలో తన నిర్ణయాన్ని ప్రజారాజ్యం పార్టీ అధినేత చిరంజీవి 15 రోజుల పాటు వాయిదా వేసుకున్నారు. సమైక్యాంధ్రకు అనుకూలంగా చిరంజీవి నిర్ణయం తీసుకున్నట్లు, తిరుపతిలో దీక్ష కూడా చేయనున్నట్లు వార్తలు వచ్చాయి. చిరంజీవి సమైక్యాంధ్రకు అనుకూలంగా నిర్ణయం తీసుకున్నట్లు వార్తలు వచ్చిన వెంటనే తెలంగాణ నాయకులు, కార్యకర్తలు తీవ్ర ఆగ్రహం వ్యక్తం చేశారు. పార్టీ రెండుగా చీలిపోయే ప్రమాదం ఏర్పడింది. దీంతో ఆయన వెనక్కి తగ్గినట్లు సమాచారం.

సమైక్యాంధ్రకు అనుకూలంగా నిర్ణయం తీసుకుంటున్నట్లు వార్తలు రావడంతో తెలంగాణ నాయకులు చిరంజీవితో పార్టీ కార్యాలయంలో సమావేశమయ్యారు. సమైక్యాంధ్ర వైపు మొగ్గు చూపితే తెలంగాణలో పార్టీ తుడిచి పెట్టుకుపోతుందని, విశ్వసనీయతను కోల్పోతారని వారు చిరంజీవితో చెప్పారు. ప్రజల నుంచి, సీమాంధ్ర నేతల నుంచి తనపై తీవ్ర ఒత్తిడి ఉందని చిరంజీవి వారితో చెప్పారు. ప్రజాభిప్రాయం మేరకు నిర్ణయం మార్చుకుంటే తప్పేమిటని సీమాంధ్ర నేతలు ప్రశ్నించారు. రెండు ప్రాంతాల నేతల మధ్య సయోధ్య కుదరకపోవడంతో చిరంజీవి తన నిర్ణయాన్ని 15 రోజులు పాటు వాయిదా వేసుకున్నారు. చిరంజీవి సమైక్యాంధ్రకు మద్దతు పలికి తిరుపతిలో దీక్ష చేస్తారని వచ్చిన వార్తలను పార్టీ ప్రతినిధి శ్రవణ్ ఖండించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X