• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాష్ట్ర రాజకీయ నాయకులు దద్దమ్మలు: జెపి

By Santaram
|

Jayaprakash Narayan
హైద్రాబాదు: విభజన ముఖ్యం కాదని అభివృద్ధి గురించి ఆలోచించాలని లోక్ సత్తా అధినేత జయప్రకాష్ నారాయణ అభిప్రాయపడ్డారు. "రాష్ట్ర విభజన జరిగినా, జరగకపోయినా ప్రపంచం మునిగిపోదు. అద్భుతాలూ జరిగిపోవు. విభజన కోస మో.. సమైక్యాంధ్ర కోసమో ప్రాణాలు తీసుకోవడం సరికాదు. వెకిలి రాజకీయాలు చేసే మూర్ఖులు, ఉన్మాదుల కారణంగానే రాష్ట్రంలో ప్రస్తుత పరిస్థితి ఏర్పడింది. రాష్ట్ర నాయకులు దద్దమ్మలయ్యారు. వాళ్ల పిల్లలు, బంధువులకే వాళ్లంటే అసహ్యమేసేలా ప్రవర్తిస్తున్నారు. ఈ సంక్షోభాన్ని నివారించేందుకు కేంద్రం ఒక ప్రకటన చేస్తుందని ఆశిస్తున్నాను. ఈలోగా నిరాహార దీక్షల పేరుతో ప్రాణాలు తీసుకోకండి'' అని లోక్‌సత్తా పార్టీ అధ్యక్షుడు జయప్రకాశ్‌ నారాయణ హితవు పలికారు. ప్రస్తుత ప్రహసనం నిజమైన పరిష్కారాల కోసం కాదని, రాజకీయ పార్టీలు చెబుతున్నదొకటి.. చేస్తున్నది మరొకటని ధ్వజమెత్తారు.

ప్రస్తుత అనిశ్చితి నేపథ్యంలో దేశమంతా రాష్ట్రం వైపు చూస్తోందని, ఈ పరిస్థితికి శాంతియుత పరిష్కారం కనుగొనలేకపోతే నిజమైన ప్రజాస్వామ్యానికి మనం అర్హులం కాదని స్పష్టం చేశారు. రెండు రోజుల ఢిల్లీ పర్యటనలో భాగంగా యూపీఏ అధినేత్రి సోనియాగాంధీ, ప్రధాని మన్మోహన్‌సింగ్‌ తదితరులను కలుసుకున్న జేపీ... హైదరాబాద్‌ తిరిగి వచ్చిన తర్వాత శనివారం విలేఖరులతో మాట్లాడారు.

"వెనకబడిన దేశాలైన రువాండా, భివాండీల్లో తెగలు, జాతుల మధ్య జరిగిన ఘర్షణల కారణంగా 8 లక్షలమంది చనిపోయారు. రాష్ట్రాన్ని కూడా అటువంటి దారుణమైన పరిస్థితుల్లోకి దిగజార్చాలన్న దిశగా ప్రయత్నాలు జరుగుతున్నాయి. వెకిలి రాజకీయాలు చేసే మూర్ఖులు, ఉన్మాదులు ఇందుకు ప్రయత్నిస్తున్నారు. మన బతుకులను పణంగా పెట్టిన రాజకీయ పార్టీలు ఈ చర్యలకు పాల్పడుతున్నాయి. గత పదేళ్లకన్నా ఎక్కువగా ఇప్పుడు హింస జరుగుతోంది. రాష్ట్రాన్ని విభజించడం, సమైక్యంగా ఉంచడం అనే రెండు ప్రక్రియలూ ఒకేసారి జరగవు. ఇందుకు ఒకే ఒక్క పరిష్కారం ఉంది. అదే శాంతియుత పరిష్కారం. ఈ సంక్షోభాన్ని నివారించే దిశగా కేంద్ర నాయకత్వం ప్రయత్నిస్తోంది. ఆ క్రమంలోనే ఓ ప్రకటన వెలువడుతుందని భావిస్తున్నాను. పెద్దలతో మాట్లాడిన తర్వాతే ఈ విషయాన్ని చెప్పగలుగుతున్నా" అని జెపి అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X