పడిపోయిన పసిడి ధరలు.. !!

Updated: Friday, November 28, 2025, 10:53 [IST]

దేశీయ బులియన్ మార్కెట్‌లో బంగారం ధరలు స్వల్పంగా తగ్గాయి. గత కొన్ని రోజులుగా పసిడి ధరల్లో కనిపిస్తున్న స్వల్ప పతనం నేడు కూడా కొనసాగింది. అంతర్జాతీయ మార్కెట్ సంకేతాలు, కరెన్సీ కదలికలు, పెట్టుబడిదారుల సెంటిమెంట్ కారణంగా ఈ చిన్నపాటి మార్పులు చోటు చేసుకున్నాయి. దీపావళి తర్వాత పసిడి ధరల్లో హెచ్చుతగ్గులు నెలకొన్నాయి. వారం రోజుల్లో బంగారం, వెండి ధరలు 9,000 రూపాయల వరకు తగ్గాయి.

నేడు కూడా ఈ తగ్గుదల కనిపించింది. ఈ వారంలో వరుసగా మూడోసారి గోల్డ్ రేట్లు తగ్గుముఖం పట్టాయి. దేశీయ బులియన్ మార్కెట్ లో ఒక గ్రాము 24 క్యారెట్ల బంగారం ధర రూ.12,744 ఉంది. 22 క్యారెట్ల బంగారం రూ.11,709, 18 క్యారెట్ల బంగారం రూ.9,580 పలుకుతోంది. హైదరాబాద్ సహా వివిధ ప్రధాన నగరాల్లో నమోదైన బంగారం రేట్ల వివరాలిలా ఉన్నాయి.