ఎన్‌ఆర్‌ఐ భర్తల బాధితుల కోసం త్వరలో వెబ్ పోర్టల్

ఎన్నారై భర్తల చేతిలో మోసపోయిన బాధిత భార్యలకు సహాయం చేసేందుకు కేంద్ర ప్రభుత్వం త్వరలో ఒక వెబ్ పోర్టల్ ను ప్రారంభించనుంది. ఈ పోర్టల్ లో అడ్వకేట్లు, స్వచ్ఛంద సంస్థలు తదితర సమాచారం ఉంటుంది.

న్యూఢిల్లీ: ఎన్నారై భర్తల చేతిలో మోసపోయిన బాధిత భార్యలకు సహాయం చేసేందుకు కేంద్ర ప్రభుత్వం త్వరలో ఒక వెబ్ పోర్టల్ ను ప్రారంభించనుంది. ఈ పోర్టల్ లో అడ్వకేట్లు, స్వచ్ఛంద సంస్థలు తదితర సమాచారం ఉంటుంది. ఈ పోర్టల్ ను భారత విదేశాంగ శాఖ నిర్వహించనుంది.

గత వారం జరిగిన ప్రత్యేక కమిటీ సమావేశంలో ఈ మేరకు ఒక వెబ్ పోర్టల్ ను తీసుకురావాలని నిర్ణయించారు. ఈ కమిటీలో మహిళా, శిశు సంక్షేమ శాఖ, విదేశాంగ శాఖ, హోం మంత్రిత్వ శాఖల నుంచి ఒక్కరేసి చొప్పున అధికారులున్నారు.

విదేశాల్లో భర్త వదిలేసినా, స్వదేశంలో మోసానికి గురై విడాకులు పొందడంలో సమస్యలు ఎదుర్కొంటున్నా, మనోవర్తి పొందాలనుకునే బాధిత మహిళలకు కేంద్రం తీసుకురానున్న ఈ వెబ్ పోర్టల్ సహాయకారిగా ఉంటుంది.

ఎన్నారై భర్తల గురించి పలు ఫిర్యాదులు వెల్లువెత్తడంతో గత ఏడాది ఏర్పాటైన ఈ కమిటీ.. బాధితులకు అభివృద్ధి చెందిన దేశాల్లో 3 వేల డాలర్లు, వర్థమాన దేశాల్లో 2 వేల డాలర్లు ఆర్థిక సాయం చేయాలని ఇప్పటికే ప్రభుత్వానికి సిఫార్సు చేసింది.

English summary

A three-member committee comprising of officials from the Ministry of Women and Child Development, the Ministry of External Affairs and the Ministry of Home Affairs arrived at this decision last weekThe portal will have information on lawyers and NGOs working in this field. It will also contain information on rules and regulation related to these kind of issues. It will act as a single-point redressal system for women to voice their grievances and guide them to seek help from civil society groups.