చిరంజీవి 'మన శంకర వరప్రసాద్‌ గారు'.. రిలీజ్‌ డేట్‌ వచ్చేసింది..

మెగాస్టార్ చిరంజీవి, బ్లాక్ బస్టర్ డైరెక్టర్ అనిల్ రావిపూడి కాంబోలో వస్తున్న 'మన శంకర వరప్రసాద్‌ గారు' రిలీజ్ డేట్ వచ్చేసింది. సంక్రాంతి కానుకగా ఈ మూవీ జనవరి 12, 2026 భారీ స్థాయిలో విడుదల కానుంది. ఈ మేరకు తాజాగా రిలీజ్ డేట్ ను ప్రకటించింది చిత్ర బృందం. అనిల్ రావిపూడి డైరెక్ట్ చేసిన 'సంక్రాంతికి వస్తున్నాం' చిత్రం గతేడాది సంక్రాంతి కానుకగా విడుదలై బ్లాక్ బస్టర్ హిట్ కొట్టింది. ఈ సినిమాపై భారీగా అంచనాలు నెలకొన్నాయి.

మెగాస్టార్ చిరంజీవి- అనిల్ రావిపూడి కాంబోలో వస్తున్న సినిమా 'మన శంకర వరప్రసాద్‌ గారు'.. ఈ మూవీ సంక్రాంతికి విడుదల అని ఫస్ట్ నుంచీ చెప్తూ వస్తున్నారు. అయితే తాజాగా ఇందుకు సంబంధించిన రిలీజ్ డేట్ ను చిత్ర యూనిట్ ప్రకటించింది. సంక్రాంతి పండుగ కానుకగా జనవరి 12 న ఈ మూవీ ప్రేక్షకుల ముందుకు రానుంది.ఈ సందర్భంగా ఏర్పాటు చేసిన భారీ ప్రెస్ మీట్‌లో చిత్ర యూనిట్ ఈ విషయాన్ని అధికారికంగా ప్రకటించింది. ఇప్పటికే ఈ మూవీ నుంచి వచ్చిన మీసాల పిల్ల, శశిరేఖ సాంగ్స్ బ్లాక్ బస్టర్ గా నిలిచాయి. యూట్యూబ్ లో రికార్డు వ్యూస్ తో దూసుకెళ్తున్నాయి.

#ManaShankaraVaraPrasadGaru GRAND RELEASE WORLDWIDE IN THEATERS ON 12th JANUARY ❤️‍🔥❤️‍🔥❤️‍🔥

Come with your family and celebrate THE BIGGEST FAMILY ENTERTAINER of Sankranthi 2026 in cinemas 💥💥💥#MSGonJAN12th 🔥

Megastar @KChiruTweets
Victory @venkymama @AnilRavipudi #Nayanthara… pic.twitter.com/SGe1U8vr53

— Gold Box Entertainments (@GoldBoxEnt) December 13, 2025

చిరంజీవి- అనిల్ రావిపూడి కాంబోలో వస్తున్న తొలి మూవీ కావడంతో అంచనాలు భారీగా నెలకున్నాయి. అనిల్ రావిపూడి తనదైన హిలేరియస్ టైమింగ్ ఓవైపు మెగాస్టార్ చిరంజీవి మాస్ ఎలివేషన్స్‌ మరోవైపు.. కలిసి సంక్రాంతికి ఈ మూవీ థియేటర్ల వద్ద రచ్చ రచ్చ చేస్తుందన్న ఆనందంలో ఫ్యాన్స్ ఉన్నారు. ఈ మూవీలో విక్టరీ వెంకటేశ్.. కీలక పాత్రలో నటిస్తున్నారు. దీంతో అటు వెంకీ ఫ్యాన్స్ సైతం తెగ సంబరపడిపోతున్నారు. ఇక ఈ మూవీలో హీరోయిన్ గా నయనతార నటిస్తున్నారు.

ఈ మూవీని గోల్డ్ బాక్స్ ఎంటర్‌ టైన్‌ మెంట్, సాహు గారపాటి ఆధ్వర్యంలోని షైన్ స్క్రీన్స్ సంయుక్తంగా నిర్మించాయి. ఇక ఇప్పటికే ఈ మూవీ షూటింగ్ పూర్తయింది. ప్రస్తుతం పోస్ట్‌ ప్రొడక్షన్‌ పనులు జరుపుకొంటోంది. ఈ సందర్భంగా శనివారం చిత్రం విడుదల తేదీని వెల్లడించారు.