ప్రముఖ సీరియల్ నటి ఆత్మహత్య

ప్రముఖ సీరియల్ నటి నందిని(26) ఆత్మహత్య చేసుకున్నారు. బెంగళూరులోని తన ఫ్లాట్ లో ఆత్మహత్యకు పాల్పడ్డారు. తమిళం, కన్నడ భాషల్లో పలు సీరియల్స్ లో నందిని నటించి గుర్తింపు పొందారు. తమిళంలో పాపులర్ అయిన గౌరి సీరియల్ లో ఆమె దుర్గ, కనకగా డబుల్ రోల్ లో నటించి ప్రశంసలు పొందారు. పెళ్లి విషయంలో కుటుంబ ఒత్తిడితో డిప్రెషన్‌ కు గురైన నందిని ఆత్మహత్య చేసుకుంది. ఈ మేరకు ఆమె మరణానికి ముందు సూసైడ్ నోట్ రాసింది. ప్రస్తుతం ఈ ఘటనపై విచారణ కొనసాగుతోంది.

తమిళం, కన్నడ భాషల్లో జీవ హూవాగిదే, సంఘర్ష, గౌరి.. తదితర సీరియల్స్‌ తో తనకంటూ ప్రత్యేక గుర్తింపు తెచ్చుకున్న నటి నందిని(26) ఆత్మహత్య చేసుకున్నారు. బెంగళూరులోని తన ఫ్లాట్ లో ఆమె ఆత్మహత్యకు పాల్పడ్డారు. తమిళంలో గౌరి సీరియల్ తో ఆమెకు మంచి గుర్తింపు వచ్చింది. ఈ సీరియల్ లో దుర్గ, కనక అనే డ్యూయల్ రోల్స్ చేసి బుల్లితెర ప్రేక్షకుల్ని మెప్పించారు. ఏపీకు చెందిన నందిని.. పెళ్లి విషయంలో తల్లిదండ్రులు ఒత్తిడి చేయడంతో సూసైడ్ చేసుకుంది. ఈ విషయాన్ని సూసైడ్ నోట్ లో పేర్కొంది.

అయితే నందిని మృతదేహం వద్ద పోలీసులు సూసైడ్ నోట్ ను స్వాధీనం చేసుకున్నారు. పేరెంట్స్ ఒత్తిడి, వ్యక్తిగత కారణాలతో ఈ నిర్ణయం తీసుకున్నారా..? లేక ఇతర కారణాలు ఏమైనా ఉన్నాయా..? అనే కోణంలోనూ దర్యాప్తు చేస్తున్నారు. నందిని కుటుంబ సభ్యులు, ఆమె సన్నిహితుల నుంచి పోలీసులు వాంగ్మూలం సేకరిస్తున్నారు. ప్రస్తుతం ఈ ఘటనపై దర్యాప్తు జరుగుతోందని.. విచారణ పూర్తయితే కానీ ఆత్మహత్యకు దారితీసిన పూర్తి కారణాలు బయటకు రావని అధికారులు వెల్లడించారు.