నవంబర్ 23 నుండి రాహు సంచారంతో వీరికి అన్నీ శుభవార్తలే!

రాహువును నీడ గ్రహంగా చెడు చేసే గ్రహంగా చెబుతారు. అటువంటి రాహువు నవంబర్ 23వ తేదీన శతభిషా నక్షత్రంలోకి ప్రవేశించనున్నాడు. శని దేవునికి చెందిన శతభిష నక్షత్రంలో రాహువు సంచారం కొన్ని రాశుల వారికి అదృష్టాన్ని ఇస్తుంది. దాదాపు 10 సంవత్సరాల తర్వాత రాహువు శతభిషా నక్షత్రం లోకి వెళుతూ కొన్ని రాశుల వారికి శుభాలను చేకూరుస్తున్నాడు. మరి ఆ రాశుల గురించి తెలుసుకుందాం.

మేషరాశి
మేష రాశి వారికి రాహువు లాభ స్థానంలో సంచారం చేయడం వల్ల ఎనిమిది నెలలపాటు శుభ ఫలితాలు వస్తాయి. ఉద్యోగులు కోరుకున్న ప్రదేశానికి బదిలీ అయ్యే అవకాశం ఉంటుంది. వర్తక వ్యాపారాలు చేసేవారు మంచి లాభాలను ఆర్జిస్తారు. మేష రాశి వారి ఆదాయం ఈ సమయంలో పెరుగుతుంది. ఈ సమయంలో చేసే ప్రతి పనిలోనూ విజయం సాధిస్తారు.

వృషభ రాశి
వృషభ రాశి వారికి రాహువు దశమ స్థానం నుండి సంచారం చేస్తాడు. ఈ సమయంలో రాహువు వృషభ రాశి వారికి మంచి ఫలితాలను ఇస్తాడు. నిరుద్యోగులకు ఉద్యోగ అవకాశాలు వస్తాయి. సొంత ఇల్లు కొనుగోలు చేసుకునే అవకాశం ఉంటుంది. పెళ్ళికాని వారికి పెళ్లి ప్రయత్నాలు సఫలమవుతాయి. ఆస్తి వివాదాలు పరిష్కారమవుతాయి.

సింహరాశి
సింహ రాశి వారికి రాహువు సప్తమ స్థానం నుంచి సంచారం చేయడం శుభ ఫలితాలను ఇస్తుంది. ఈ సమయంలో సింహ రాశి వారు అపర కుబేరులయ్యే అవకాశం ఉంది. ఈ సమయంలో ఏర్పడే రాజయోగాల కారణంగా సమాజంలో గౌరవం లభిస్తుంది. ఉద్యోగులకు ప్రమోషన్లు వస్తాయి. శుభవార్తలు వింటారు. ఇంట్లో శుభకార్యాలు జరిగే అవకాశం ఉంది.

కన్యారాశి
కన్యా రాశి వారికి రాహువు ఆరవ స్థానంలో సంచారం చేయడం అద్భుతమైన ఫలితాలను ఇస్తుంది. ఆర్థిక సమస్యల నుండి ఉపశమనం లభిస్తుంది. ఆరోగ్యం కూడా మెరుగుపడుతుంది. కన్యారాశి జాతకులకు ఉద్యోగులకు ప్రమోషన్లు లభిస్తాయి. వర్తక వ్యాపారాలు చేసేవారు మెరుగైన లాభాలు పొందుతారు. నూతనంగా వివాహం జరిగిన వారికి సంతాన భాగ్యం ఉంది. నిరుద్యోగులకు శుభవార్తలు అందుతాయి.

మకర రాశి
మకర రాశి వారికి రాహువు ఆదాయ స్థానంలో సంచారం చేయడం వల్ల వీరికి శుభ ఫలితాలు వస్తాయి.. వర్తక వ్యాపారాలు చేసే వారికి కలిసి వస్తుంది ఉద్యోగులకు పదోన్నతులు తో పాటు ఇంక్రిమెంట్లు వస్తాయి. ఇంట్లో శుభకార్యాలు జరుగుతాయి. విదేశీ ఆఫర్లు దక్కే సూచనలు కూడా ఉన్నాయి.

.
కుంభరాశి
కుంభ రాశి వారికి రాహు సంచారం గణనీయమైన ప్రయోజనాలను చేకూరుస్తుంది. ఈ సమయంలో చేసే ప్రయత్నాలలో విజయ లభిస్తుంది. కుంభరాశి జాతకుల కోరికలు నెరవేరుతాయి. ప్రేమ వివాహం చేసుకోవాలనుకునే వారికి ఈ సమయం బాగుంటుంది. సన్నిహితులతో సంబంధాలు మెరుగుపడతాయి. సమాజంలో గౌరవం పెరుగుతుంది. కుటుంబ జీవితంలో ఆహ్లాదకరమైన వాతావరణం ఉంటుంది.

Disclaimer: ఈ కథనం జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.

English summary

After almost 10 years, Rahu will be transiting into the Shatabhisha star on November 23rd, bringing good luck to some zodiac signs. Let's learn about those zodiac signs.