సూరి తరలింపుపై ఇసి నిర్ణయం తప్పు: కోర్టు

అనంతపురం: పరిటాల రవి హత్య కేసులో నిందితుడు మద్దెలచెర్వు సూర్యనారాయణ రెడ్డి అలియాస్‌ సూరిని అనంతపురం జైలు నుంచి తరలించాలనే ఎన్నికల సంఘం ఆదేశాలను కోర్టు తప్పు పట్టింది. రవి హత్య కేసులో సూరితో పాటు ఇతర నిందితులను బుధవారం కోర్టులో ప్రవేశపెట్టారు. తదుపరి ఆదేశాలు జారీ చేసే వరకు సూరిని అనంతపురం జైలులోనే ఉంచాలని కోర్టు ఆదేశించింది. పరిటాల రవి హత్య కేసులోని నిందితుల రిమాండ్‌ ఈ నెల 30వ తేదీ వరకు పొడిగిస్తూ కోర్టు ఆదేశాలు జారీ చేసింది.

పెనుకొండ ఉప ఎన్నక సందర్బంగా సూరిని అనంతపురం జైలు నుంచి వేరే జైలుకు తరలించాలని ఎన్నికల సంఘం ఆదేశాలిచ్చింది. దీంతో సూరిని విశాఖపట్నం కేంద్ర కారాగారానికి తరలించారు. పెనుకొండ ఫలితం వెలువడిన తర్వాత సూరిని తిరిగి అనంతపురం జైలుకు తరలించారు.