కిరి కిరి, రోజాకే చంద్రగిరి?
హైదరాబాద్: తెలుగు మహిళ అధ్యక్షురాలు రోజాను చంద్రగిరి అసెంబ్లీ బరి నుంచి తప్పించడానికి చంద్రబాబు నాయుడు చేసిన ప్రయత్నాలు విఫలమైనట్టు తెలుస్తోంది. ఎమ్మెల్సీ పదవి ఇస్తామని, తెలుగుదేశం అధికారంలోకి వస్తే మంత్రి పదవి కూడా ఇస్తామని చంద్రబాబు నాయుడు చేసిన వాగ్ధానం ఆమె ముందు పని చేయలేదు. తనకు చంద్రగిరి అసెంబ్లీ టికెట్ ఇవ్వకపోతే పార్టీ కార్యక్రమాలకు దూరంగా ఉంటానని ఆమె సంకేతాలు పంపడంతో చంద్రబాబు నాయుడు దిగి వచ్చినట్టు తెలుస్తోంది.
నిజానికి చంద్రబాబు నాయుడికి ఏ నియోజకవర్గంలోనూ ఎదురు కాని గడ్డు పరిస్ధితి చంద్రగిరిలోనే ఉంది. ఒక పక్క తమ్ముడు నారా రామ్మూర్తి నాయుడు మరో వైపు రోజా ఆ స్ధానాన్ని ఆశిస్తుండడంతో ఆయనన ఇరుకులో పడ్డారు. రామ్మూర్తి నాయుడికి బాలకృష్ణ మద్దతు ఉందన్న విషయం ప్రచారంలో ఉంది.
Comments
Story first published: Monday, January 19, 2009, 17:40 [IST]