యాక్సిడెంట్ లో డిప్యూటీ కలెక్టర్ మృతి

కర్ణాటక: కర్ణాటకలోని కోలార్‌ సమీపంలో జరిగిన రోడ్డుప్రమాదంలో చిత్తూరు జిల్లా ఎస్ సి కార్పొరేషన్ ఎగ్జిక్యూటివ్ డైరెక్టర్ గంగాధరరెడ్డి, ఆయన భార్య మరణించారు. గతంలో గంగాధరెడ్డి అనంతపురం డిప్యూటీ కలెక్టర్ గా పనిచేశారు. వీరు ప్రయాణిస్తున్న టాటా సుమోను లారీ ఢీకొనటంతో ఈ ప్రమాదం జరిగింది. ప్రమాదంలో సుమో డ్రైవర్ కుడా మృతి చెందగా, గంగాధరరెడ్డి కుమార్తె తీవ్రంగా గాయపడ్డారు. మరికొంతమంది మృతి చెందినట్లు సమాచారం. లారీ డ్రైవర్ పరారీలో ఉన్నాడు. మరిన్ని వివరాలు తెలియాల్సి ఉంది. గంగాధరరెడ్డి మృతిపై ముఖ్యమంత్రి రాజశేఖరరెడ్డి సంతాపం వ్యక్తం చేశారు.