ఎన్టీఆర్ కొడుకులు ఎవరికీ పుట్టకూడదు: లక్ష్మీపార్వతి

హైదరాబాద్: పది లక్షల మంది ముందు మీడియా సాక్షిగా ఎన్టీఆర్‌ నన్ను వివాహం చేసుకున్నారు. దంపతులుగా కలిసున్నాం. ఎన్నో దేశాలు తిరిగాం. అటువంటి నన్ను ఆయన భార్యనే కాదంటున్నారు' అని లక్ష్మీపార్వతి వాపోయారు. బాలకృష్ణతో సహా ఎన్టీఆర్‌ కుమారులపై ఆమె విమర్శలు గుప్పించారు.

తండ్రినే అపహాస్యం చేసిన అటువంటి సంతానం ఎవరికీ కలగకూడదంటూ శాపనార్థాలు పెట్టారు. ట్రస్టు భవన వివాద విషయమై ఆమె గతంలో రాష్ట్ర మానవ హక్కుల కమిషన్‌లో పిటిషన్‌ దాఖలు చేశారు. దాని విచారణ సందర్భంగా ఆమె శనివారం కమిషన్‌ కార్యాలయానికి వచ్చారు. విచారణ ఫిబ్రవరి 4కు వాయిదా పడ్డాక ఆమె మీడియానుద్దేశించి ప్రసంగించారు.