రూ.2 కోట్ల ఆశచూపి పదిలక్షలు టోకరా.: మహిళా ఎమ్మెల్సీని బురిడీ కొట్టించాడు

Posted By: Suvarnaraju
Subscribe to Oneindia Telugu

హైదరాబాద్: సామాన్యులను మోసం చెయ్యడంలో కిక్ ఏముంటుంది అనుకున్నాడో ఏమో ఒక కేటుగాడు ఏకంగా ప్రజాప్రతినిధినే బురిడీ కొట్టించాడు. రూ.2 కోట్లు ఆశ చూపించి ఆమె నుంచి 10 లక్షల రూపాయలు వసూలు చేసుకున్నాడు. డబ్బు తన ఖాతాలో పడటం ఆలస్యం మొబైల్ స్విచ్ ఆఫ్ చేసి అడ్రస్ లేకుండా పోయాడు. దీంతో ఖంగుతిన్న సదరు ప్రజాప్రతినిధి పోలీసులకు ఫిర్యాదు చేయడంతో నేరస్తుడి గుట్టు రట్టయింది.

కాల్ డేటా ఆధారంగా కేసు విచారణ జరిపిన పోలీసులు ఆ కేటుగాడిని అరెస్ట్ చేయ్యడంతో పాటు అతడు ఇప్పటికే ఈ తరహా మోసాలు 40 వరకు చేశాడని తెలిసి ఆశ్చర్యపోయారు. ప్రస్తుతం గుంటూరు జిల్లా తెనాలిలో నివాసం ఉంటున్న తోట బాలాజీనాయుడు అనే ఈ క్రిమినల్ స్వస్థలం తూర్పు గోదావరి జిల్లా కిర్లంపూడి. ఇతడి వయస్సు 40 సంవత్సరాలు.

defrauder who cheated mlc arrested

నిందితుడు తోట బాలాజీనాయుడు సెప్టెంబరు 12 తేదీన మొదటిసారి తెలంగాణ ఎమ్మెల్సీ ఆకుల లలితకు ఫోన్‌చేసి తాను తెలంగాణా సచివాలయం ఉద్యోగినని మీ నియోజకవర్గానికి కేంద్రం నుంచి రూ. 2కోట్లు మంజూరయ్యాయని చెప్పాడు. అయితే వాటిని మీ ఖాతాలోకి బదిలీ చెయ్యాలంటే 5 శాతం డబ్బు ముందుగా చెల్లిస్తే చాలని తరువాత అంతా తానే చూసుకుంటానని నమ్మబలికాడు.యి. దీంతో ఆమె తన కుమారుడు దీపక్‌ ద్వారా అతను చెప్పిన అకౌంట్లో రూ.10 లక్షలు జమ చేయించింది.

defrauder who cheated mlc arrested

అంతే డబ్బు తన ఖాతాలో పడిన మరుక్షణం నుంచే తోట బాలాజీనాయుడు తన ఫోన్ స్విచ్ ఆఫ్ చేసి అందుబాటులో లేకుండా పోయాడు. దీంతో తాము మోసపోయామని గ్రహించిన దీపక్‌ సైబరాబాద్‌ సైబర్‌ క్రైం పోలీసులకు ఫిర్యాదు చేశాడు. దీంతో రంగంలోకి దిగిన పోలీసులు కాల్‌ డేటా ఆధారంగా నిందితుడు తోట బాలాజీ నాయుడిని అరెస్ట్ చేశారు.

అయితే పోలీసుల విచారణలో నిందితుడు తోట బాలాజీ నాయుడు పై విజయనగరం, ఈస్ట్ గోదావరి జిల్లాల్లో మొత్తం 30 చోట్ల పోలీస్ కేసులు ఉన్నాయని తేలింది. అంతకు క్రితమే ఒక కేసులో జైలుకు వెళ్లి 2017 జనవరిలోనే విడుదలైన ఇతడు బుద్ది మార్చుకోకుండా మళ్లీ పాత బాటలోనే నడుస్తున్నట్లు వెల్లడయిందని ఇతడిని అరెస్ట్ చేసిన నార్త్ జోన్ టాస్క్ ఫోర్స్ పోలీసులు తెలిపారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
T. Balaji Naidu alias Naidu, A 40-year-old man, who recently cheated Congress MLC Akula Lalitha of Rs. 10 lakh posing as an official from Telangana Secretariat, was arrested by sleuths of North Zone Task Force.The accused an ex-employee of the NTPC , called Congress MLC Akula Lalitha in September stating that she was not utilising Rs. 2 crore of Central government funds sanctioned to her. after that Based on a complaint lodged by the MLC’s son Deepak, Cyber Crime Cell of Cyberabad apprehended the accused. He was involved in 30 cheating cases in AP.
Please Wait while comments are loading...