ఆ పోస్ట్‌లు పెట్టొద్దని తెలియదు: తగ్గిన పొలిటికల్ పంచ్ రవికిరణ్, అనితపై..

శాసన మండలి పోస్టులు అలా పెట్టకూడదని తనకు తెలియదని పొలిటికల్ పంచ్ నిర్వాహకుడు రవికిరణ్ ఆదివారం చెప్పారు.

Published: Sunday, April 30, 2017, 17:41 [IST]

గుంటూరు: శాసన మండలి పోస్టులు అలా పెట్టకూడదని తనకు తెలియదని పొలిటికల్ పంచ్ నిర్వాహకుడు రవికిరణ్ ఆదివారం చెప్పారు. రవికిరణ్‌తో పాటు వైయస్సార్ కాంగ్రెస్ పార్టీ ఐటీ వింగ్ ఇంచార్జ్ మధుసూదన్ ఈ రోజు తుళ్లూరు పోలీసుల ఎదుట హాజరయ్యారు.

ఈ సందర్భంగా రవికిరణ్ స్పందించారు. మండలిపై అలా పోస్టులు పెట్టకూడదని తనకు తెలియదన్నారు. తద్వారా మండలిపై పెట్టిన పోస్టులపై అతను తగ్గినట్లుగా భావించవచ్చు.

అలాగే, విశాఖపట్నంలో ఎమ్మెల్యే వంగలపూడి అనిత తనపై కావాలనే తప్పుడు కేసు పెట్టారని ఆరోపించారు. అనిత గురించి తాను ఎలాంటి పోస్టులు పెట్టలేదన్నారు.

కాగా, రవికిరణ్‌తో పాటు మధుసూదన్ కూడా హాజరయ్యారు. శాసన మండలి పైన అనుచిత పోస్టులు పెట్టారని రవికిరణ్‌ను పోలీసులు అరెస్టు చేసి, ఆ తర్వాత విడుదల చేసిన విషయం తెలిసిందే. అనంతరం ఆయన తుళ్లూరు పోలీసుల ఎదుట విచారణకు హాజరవుతున్నారు.

Published On April 30, 2017