ఏపీలో ఇజ్రాయెల్ ఇండస్ట్రియల్ పార్క్: సీఎం చంద్రబాబు మాస్టర్ ప్లాన్!
స్విట్జర్లాండ్ లోని దావోస్లో జరుగుతున్న వరల్డ్ ఎకనామిక్ ఫోరమ్(WEF 2026) సదస్సులో ఆంధ్రప్రదేశ్ ముఖ్యమంత్రి నారా చంద్రబాబు నాయుడు రాష్ట్ర పారిశ్రామికాభివృద్ధికి సంబంధించి మరో కీలక అడుగు వేశారు. ఇజ్రాయెల్ దేశ ప్రతినిధులు, దౌత్యవేత్తలతో భేటీ అయిన ఆయన.. ఆంధ్రప్రదేశ్లో 'ఇజ్రాయెల్ ఇండస్ట్రియల్ పార్క్' ఏర్పాటు చేయాలని ప్రతిపాదించారు. సీఎం చంద్రబాబు నాయుడు, ఇజ్రాయెల్ ఆర్థిక పరిశ్రమల శాఖ మంత్రి నిర బర్కత్, ట్రేడ్ కమిషనర్ రోయ్ ఫిషర్, ఇతర ఉన్నతాధికారులతో సమావేశమయ్యారు. ఈ సందర్భంగా రాష్ట్రంలో పెట్టుబడులకు ఉన్న అవకాశాలను ఆయన వివరించారు.
ప్రతిపాదనలోని ముఖ్యాంశాలు:
ఇజ్రాయెల్కు చెందిన దిగ్గజ సంస్థలు ఆంధ్రప్రదేశ్లో తమ కార్యకలాపాలను ప్రారంభించేలా ఒక ప్రత్యేక పారిశ్రామిక పార్కును ఏర్పాటు చేయాలని ముఖ్యమంత్రి ప్రతిపాదించారు. ఈ పార్క్ ప్రధానంగా మెడ్-టెక్ (వైద్య సాంకేతికత), ఏరో-డిఫెన్స్ (రక్షణ రంగం), క్లీన్-టెక్ (పర్యావరణ హిత సాంకేతికత) వంటి రంగాల్లో స్థానిక తయారీని ప్రోత్సహిస్తుంది. రక్షణ రంగం, ఏరోస్పేస్, అన్మ్యాన్డ్ ఏరియల్ వెహికల్స్ (UAV - డ్రోన్) వ్యవస్థల అభివృద్ధిపై ఇరు పక్షాలు చర్చలు జరిపాయి.
ఇతర రంగాలపై చర్చలు
కేవలం పారిశ్రామిక రంగానికే పరిమితం కాకుండా, ఇజ్రాయెల్ ప్రసిద్ధి చెందిన ఇతర రంగాల్లోనూ సహకారం కోరారు. సముద్రపు నీటిని మంచి నీరుగా మార్చడం, భూగర్భ జలాల నాణ్యత మెరుగుదల కోసం సహకారాన్ని కోరారు. సెమీకండక్టర్ తయారీ, క్వాంటం కంప్యూటింగ్, సైబర్ సెక్యూరిటీ రంగాలపై చర్చించారు. వైద్య రంగంలో నూతన ఆవిష్కరణలు, విద్యా వ్యవస్థలో నాణ్యత పెంపుపై చర్చించారు.
చంద్రబాబు నాయుడు ట్వీట్:
"దావోస్లో ఇజ్రాయెల్ మంత్రి నిర బర్కత్, ఇతర ప్రతినిధులను కలవడం గౌరవంగా భావిస్తున్నాను. ఏపీలో ఇజ్రాయెల్ ఇండస్ట్రియల్ పార్క్ ఏర్పాటు చేయాలని ప్రతిపాదించాను. ఇది స్థానిక తయారీ రంగానికి కొత్త ఊపునిస్తుంది" అని ఎక్స్ (X) వేదికగా ఆయన పేర్కొన్నారు. ఇజ్రాయెల్ సాంకేతికత, ఆంధ్రప్రదేశ్ వనరులు తోడైతే రాష్ట్రం గ్లోబల్ మ్యాన్యుఫ్యాక్చరింగ్ హబ్గా మారుతుందని విశ్లేషకులు భావిస్తున్నారు. ఈ ఒప్పందాలు కార్యరూపం దాల్చితే ఏపీ యువతకు భారీగా ఉపాధి అవకాశాలు లభించనున్నాయి.
-
వేసవి సెలవుల షెడ్యూల్ లో కీలక మార్పులు, తాజా ఉత్తర్వులు..!! -
బంగారం ధరలు.. మళ్లీ మొదటికి -
పవన్ కళ్యాణ్ని నిండాముంచిన హరీష్ శంకర్.. -
పేలిన ధరల బాంబు- ఒక్కో సిలిండర్ పై రూ. 195.50 పెంపు -
IPL తొలి మ్యాచ్ లోనే సెన్సేషన్, ఎవరీ కూపర్ కనోలీ - సూర్యవంశీని డామినేట్ చేస్తూ..!! -
పాల ధరలు భారీగా పెంపు, ఒకే సారి - కొత్త రేట్లు ఇలా..!! -
రైతు భరోసా అమలులో కీలక మార్పులు, ఇక వారికీ వర్తింపు - నిధుల జమ ముహూర్తం..!! -
Amaravati Bill: పార్లమెంట్ లో అమరావతి బిల్లు..! కాంగ్రెస్ స్టాండ్ ఇదే..! -
పెళ్లి కాకపోయి ఉంటే ఆ హీరోతో డేటింగ్ చేస్తా - అనసూయ -
జన్మ నక్షత్రం మూల, పూర్వాషాఢ, ఉత్తరాషాఢ ఉన్నవారి ఏప్రిల్ నెల జాతక ఫలం -
ఈ టైంలో కరెంట్ వాడితే బాదుడే, విద్యుత్ ఛార్జీల్లో మార్పులు - నేటి నుంచే అమలు..!! -
అయోధ్య రాముని సన్నిధిలో గౌతమ్ అదానీ..!
Click it and Unblock the Notifications
Sign in with Google