బంగారం కొనాలనుకునే వారికి గుడ్ న్యూస్..!!

దేశీయ బులియన్ మార్కెట్‌లో బంగారం ధరలు స్వల్పంగా తగ్గాయి. గత కొన్ని రోజులుగా పసిడి ధరల్లో కనిపిస్తున్న స్వల్ప పతనం నేడు కూడా కొనసాగింది. అంతర్జాతీయ మార్కెట్ సంకేతాలు, కరెన్సీ కదలికలు, పెట్టుబడిదారుల సెంటిమెంట్ కారణంగా ఈ చిన్నపాటి మార్పులు చోటు చేసుకున్నాయి. దీపావళి తర్వాత పసిడి ధరల్లో హెచ్చుతగ్గులు నెలకొన్నాయి. వారం రోజుల్లో బంగారం, వెండి ధరలు 8,300 రూపాయల వరకు తగ్గాయి.

నేడు బంగారం ధర 1,600 రూపాయల వరకు తగ్గింది. 10 గ్రాములకు 1,23,146 రూపాయలుగా నమోదైంది. కిందటి వారం ఈ ధర 1,24,794గా ఉండేది. ఇది బంగారం ధరలో 1,648 రూపాయల మేర క్షీణించింది. కామెక్స్ మార్కెట్‌లో బంగారం ధర ఔన్సుకు 4,080 డాలర్లు, వెండి సుమారు 50 డాలర్లకు తగ్గింది. దీని ఫలితంగా బంగారం, వెండి ధరలు తగ్గుముఖం పట్టాయి.

ఇండియన్ బులియన్ అండ్ జ్యువెలర్స్ అసోసియేషన్ వివరాల ప్రకారం- 24 క్యారెట్ల 10 గ్రాముల బంగారం ధర ప్రస్తుతం 1,23,146 రూపాయల వద్ద ట్రేడ్ అవుతోంది. 22 క్యారెట్ల ధర సుమారు 2,500 రూపాయల వరకు తగ్గి.. 10 గ్రాములకు రూ. 1,12,802 చేరింది. అంతకుముందు ఈ ధర 1,14,311 రూపాయలుగా ఉండేది. అదేవిధంగా 18 క్యారెట్ల బంగారం ధర 10 గ్రాములకు 93,596 నుండి రూ. 92,360 రూపాయలకు క్షీణించింది. ఇందులో 1,200 రూపాయల మేర తగ్గుదల కనిపించింది.

డిసెంబర్‌లో అమెరికాలో వడ్డీ రేట్ల కోతకు తక్కువ అవకాశం ఉండటం కూడా బంగారం ధరలపై ప్రతికూల ప్రభావాన్ని చూపింది. నిపుణుల అభిప్రాయం ప్రకారం, డాలర్‌తో పోలిస్తే రూపాయి బలహీనంగా ఉండటం వల్ల దేశీయ మార్కెట్‌లో బంగారం ధరలు అంతర్జాతీయ మార్కెట్‌తో పోలిస్తే తక్కువగా తగ్గాయి. అమెరికాలో నాన్-ఫామ్ పేరోల్ డేటా అంచనాల కంటే బలంగా రావడంతో వడ్డీ రేట్ల తగ్గింపు అవకాశాలు సన్నగిల్లాయి. ఈ మిశ్రమ సంకేతాల కారణంగా బంగారంపై ఒత్తిడి కొనసాగవచ్చు.

చెన్నైలో 24 క్యారెట్ల బంగారం ధర రూ. 12,687, ముంబై- రూ. 12,583, ఢిల్లీ- రూ. 12,598, కోల్‌కతా- రూ. 12,583, బెంగళూరు- రూ. 12,583, హైదరాబాద్‌- రూ. 12,583లు పలుకుతోంది. 22 క్యారెట్ల బంగారం ధర చెన్నైలో - రూ. 11,629, ముంబై- రూ. 11,534, ఢిల్లీ- రూ. 11,549, కోల్‌కతా- రూ. 11,534, బెంగళూరు- రూ. 11,534, హైదరాబాద్‌- రూ. 11,534లు. 18 క్యారెట్ల బంగారం ధర- రూ. 9,699, ముంబై- రూ. 9,437, ఢిల్లీ- రూ. 9,452, కోల్‌కతా- రూ. 9,437, బెంగళూరు- రూ. 9,437, హైదరాబాద్‌- రూ. 9,437గా నమోదైంది.

English summary

The price of yellow metal in the domestic market stood at Rs 1,23,146 per 10 grams of 999 purity, as per the Indian Bullion and Jewelers Association (IBJA).