వెండిపై 'రిచ్ డాడ్' గురి తప్పలేదు.. 2026 నాటికి ధర 3 రెట్లు పెరుగుతుందా?

ప్రముఖ పెట్టుబడి నిపుణుడు, 'రిచ్ డాడ్ పూర్ డాడ్' రచయిత రాబర్ట్ కియోసాకి వెండి ధరలపై గతంలో చేసిన అంచనా ఇప్పుడు నిజమైంది. అంతర్జాతీయ మార్కెట్లో వెండి ధర త్వరలోనే 70 డాలర్లకు చేరుకుంటుందని ఆయన గత నెలలో చెప్పారు. ఇప్పడు అది నిజమైంది. ఈ నేపథ్యంలో 2026 సంవత్సరానికి ఆయన చేసిన కొత్త అంచనా ఇప్పుడు మదుపర్లలో ప్రకంపనలు సృష్టిస్తోంది.

ప్రముఖ పెట్టుబడి నిపుణుడు, 'రిచ్ డాడ్ పూర్ డాడ్' రచయిత రాబర్ట్ కియోసాకి (Robert Kiyosaki) వెండి ధరలపై గతంలో చేసిన అంచనా ఇప్పుడు నిజమైంది. అంతర్జాతీయ మార్కెట్లో వెండి ధర త్వరలోనే 70 డాలర్లకు చేరుకుంటుందని ఆయన గత నెలలో చెప్పారు, ఇప్పుడు అది నిజమైంది. ఈ నేపథ్యంలో 2026 సంవత్సరానికి ఆయన చేసిన కొత్త అంచనా ఇప్పుడు మదుపర్లలో ప్రకంపనలు సృష్టిస్తోంది.

డాలర్ ఒక 'ఫేక్ మనీ'.. కియోసాకి సంచలన వ్యాఖ్యలు
రాబర్ట్ కియోసాకి సోషల్ మీడియా వేదికగా అమెరికా డాలర్‌పై తీవ్ర విమర్శలు చేశారు. డాలర్‌ను ఆయన 'ఫేక్ మనీ' (నకిలీ డబ్బు) గా అభివర్ణించారు. కాలక్రమేణా డాలర్ కొనుగోలు శక్తి (Purchasing Power) తగ్గిపోతుందని, దాని విలువ పడిపోతుందని ఆయన హెచ్చరించారు. డాలర్ బలహీనపడే కొద్దీ బంగారం, వెండి వంటి లోహాలకు డిమాండ్ పెరుగుతుందని ఆయన నమ్ముతున్నారు.

2026 నాటికి వెండి ధర ఎంత?
కియోసాకి తన తాజా పోస్ట్‌లో వెండి ధరలపై భారీ అంచనాను వేశారు. ప్రస్తుతం వెండి ధర ఔన్స్‌కు 70 డాలర్లకు చేరుకుంది. వచ్చే ఏడాది నాటికి వెండి ధర ఔన్స్‌కు 200 డాలర్లకు చేరుకోవచ్చని ఆయన అంచనా వేశారు. ఆయన అంచనా ప్రకారం చూస్తే, ప్రస్తుతం ఉన్న ధర కంటే వచ్చే ఏడాదిలో వెండి మూడు రెట్లు పెరిగే అవకాశం ఉంది.

"ఫేక్ మనీ (డాలర్) దాచుకునే వారికి ఇది చెడ్డ వార్త, కానీ వెండి కొనే వారికి ఇది గొప్ప అవకాశం. 2026 నాటికి వెండి 200 డాలర్లకు చేరుకుంటుంది. మీ కొనుగోలు శక్తిని కాపాడుకోవాలంటే వెండిపై దృష్టి పెట్టండి" - రాబర్ట్ కియోసాకి

ప్రస్తుత మార్కెట్ ధరలు (భారత్‌లో):
ప్రస్తుతం బంగారం, వెండి ధరలు చారిత్రాత్మక గరిష్టాల వద్ద కొనసాగుతున్నాయి. కిలో వెండి ధర సుమారు రూ.2,33,100 వద్ద ఉంది. 10 గ్రాముల బంగారం(24 క్యారెట్లు) ధర సుమారు రూ.1,38,940 పలుకుతోంది.

కియోసాకి పెట్టుబడి మంత్రం
రాబర్ట్ కియోసాకి మొదటి నుంచి బంగారం, వెండి, బిట్‌కాయిన్‌పై చాలా నమ్మకంగా ఉన్నారు. ఒక ఆదర్శవంతమైన పోర్ట్‌ఫోలియోలో ఇవి ఉండాలని ఆయన ఎప్పుడూ చెబుతుంటారు. గతంలో ఆయన చేసిన పలు అంచనాలు నిజం కావడంతో ఇప్పుడు వెండి 200 డాలర్లకు చేరుతుందన్న వార్త ఇన్వెస్టర్లలో ఆసక్తిని రేకెత్తిస్తోంది.

English summary

Rich Dad Poor Dad author Robert Kiyosaki’s silver price prediction has come true with prices touching $70. Now, he predicts silver could surge to $200 by 2026.