జగన్‌పై సిబిఐ దర్యాప్తుపై ట్విస్టు

By Pratap

Published: Thursday, July 28, 2011, 8:58 [IST]

మన విధేయతను ఎలాగైనా ప్రకటించవచ్చు. వ్యతిరేకంగా మాట్లాడుతన్నట్లు కనిపిస్తూనే అమోఘమైన ట్విస్టుతో అంతా తిరిగేయవచ్చు. ప్లేటు మార్చవచ్చు అని ఎన్టీవీ తెలుగు టీవీ చానెల్‌ను చూస్తే మనకు అర్థమైపోతుంది. వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఆస్తులపై సిబిఐ దర్యాప్తుపై ఎన్టీవి ఇటీవల ఓ వార్తాకథనాన్ని ప్రసారం చేసింది. వైయస్ జగన్ అస్తులు ఎలా పెరగాయంటూ, ఆయన సంస్థల్లో ఎలా పెట్టుబడులు పెట్టారో వివరిస్తూ ఓ వార్తాకథనాన్ని ప్రసారం చేసింది. అయితే, చివరలో ఓ ట్విస్టు ఇచ్చేసి అందరినీ భయపెట్టే పని చేసింది.

జగన్ ఆస్తులపై సిబిఐ దర్యాప్తు వల్ల రాష్ట్రంలో పెట్టుబడులు పెట్టడానికి పారిశ్రామికవేత్తలు ఇష్టపడరని, దాని వల్ల రాష్టానికి పెట్టుబడులు తగ్గుతాయని ఎన్టీవి చల్లగా ఓ ట్విస్టు ఇచ్చేసింది. అంటే, దర్యాప్తు చేయడం తప్పని ముక్తాయింపు ఇచ్చేసి ఊరుకుందన్న మాట. జగన్‌పై దర్యాప్తునకు, పారిశ్రామికవేత్తల పెట్టుబడులకు లింక్ కూడా అర్థమైనట్లు లేదు. అసలు వైయస్సార్ హయాంలో వచ్చిన పెట్టుబడులు ఆచరణ రూపం దాల్చాయా, ఫ్యాబ్ సిటీ, సైన్స్ సిటీ, వోక్స్ వ్యాగన్ ... వరుసగా ఏమయ్యాయని అడిగే వారు లేకుండా పోయారా, అది నష్టం కాదా?

Published On July 28, 2011