విశాఖలో దారుణం: ప్రియురాలిని హతమార్చి, ముక్కలుగా కోసి ఫ్రిజ్లో పెట్టిన నేవీ ఉద్యోగి

విశాఖపట్నంలో దారుణ హత్య జరిగింది. ఓ నేవీ ఉద్యోగి ప్రియురాలిని అత్యంత కిరాతకంగా హత్య చేసి ఆమె శరీర భాగాలను కట్ చేసి, ఫ్రిజ్లో పెట్టాడు. సినిమాలు, వెబ్ సీరీస్ ల ప్రభావంతో ఇలాంటి దారుణాలు చాలా ఎక్కువయ్యాయి. ఈ దారుణ ఘటనకు సంబంధించిన వివరాల్లోకి వెళితే..

ప్రియురాలిని హతమార్చిన నేవీ ఉద్యోగి

విజయనగరం జిల్లా రాజాంకు చెందిన నేవీ టెక్నీషియన్ చింతాడ రవీంద్ర విశాఖపట్నంలోని ఎల్బీనగర్ లో నివసిస్తున్నాడు. రవీంద్ర భార్య నెల రోజుల క్రితం పుట్టింటికి వెళ్ళింది. గతంలో రవీంద్రకు విశాఖకు చెందిన మౌనికతో పరిచయం ఉంది. ఈ క్రమంలో అతను ఆమెను తను ఉండే ఫ్లాట్ కి రమ్మని పిలిచి దారుణంగా హత్య చేశాడు. ఆమె శరీర భాగాలను ఫ్రిజ్లో భద్రపరిచాడు. ఇక ఈ హత్య ఆదివారం మధ్యాహ్నం జరిగినట్టు సమాచారం.

ఫ్రిజ్లో రెండు మూటలలో కట్టి పెట్టిన మౌనిక శరీర భాగాలు

హత్య చేసిన అనంతరం రవీంద్రకు ఏం చేయాలో పాలుపోక శ్రీకాకుళంలో ఉన్న స్నేహితుడికి తెలియజేశాడు. దీంతో ఆ స్నేహితుడు వెంటనే పోలీసులకు సమాచారం అందించాడు. ఆపై పోలీసులు రవీంద్రను అదుపులోకి తీసుకున్నారు. పోలీసులు రవీంద్ర ఇంట్లో ఉన్న ఫ్రిజ్లో రెండు మూటలలో కట్టి పెట్టిన మౌనిక శరీర భాగాలను గుర్తించి స్వాధీనం చేసుకున్నారు. స్వాధీనం చేసుకున్న శరీర భాగాలను పోలీసులు పోస్టుమార్టం నిమిత్తం పంపించారు.

ప్రియురాలి వేధింపులతో ఘాతుకం

అయితే తల, కాళ్ళు, చెప్పులు, సిమ్ కార్డులు సూట్ కేసులో పెట్టి తీసుకెళ్ళి దారపాలెంలో తగలబెట్టాడు. మూడు సంవత్సరాల క్రితం రవీంద్ర, మౌనిక మద్య పరిచయం ఏర్పడి వీరిద్దరి పరిచయం తర్వాతే అతను వేరే యువతిని పెళ్లి చేసుకున్నాడు. దీంతో మౌనిక అతడిని తనను పెళ్లి చేసుకోవాలని ఒత్తిడి చేయడం, ఆర్థికంగా ఆదుకోవాలని పదేపదే ఒత్తిడి పెట్టటం మొదలెట్టింది. వేధింపుల నుంచి తప్పించుకోవడానికి రవీంద్ర కావాలనే భార్యను పుట్టింటికి పంపాడు.

ప్లాన్ ప్రకారమే ప్రియురాలి హత్య

పథకం ప్రకారం మౌనికను హత్య చేసినట్లు పోలీసులు అనుమానిస్తున్నారు. దీనిపైన పోలీసులు కేసు నమోదు చేసి నిందితుడిని ప్రశ్నిస్తున్నారు. అత్యంత దారుణంగా విశాఖపట్నంలో నేవీ ఉద్యోగి చేసిన ఈ హత్య ప్రస్తుతం కలకలంగా మారింది. మనుషులను అత్యంత దారుణంగా హత్య మారుస్తున్న హింసా సంస్కృతి, ముక్కలుగా కట్ చేసి ఫ్రిజ్లో పెట్టిన క్రిమినల్ స్వభావం ప్రతి ఒక్కరిని షాక్ కి గురిచేస్తుంది.

English summary

A gruesome murder in Visakhapatnam has shocked the city, where a Navy employee allegedly killed his girlfriend, dismembered her body, and stored the parts in a refrigerator.Police investigation is underway.