ఆటోమొబైల్ ఆస్కార్స్: 2026 కార్, బైక్ ఆఫ్ ది ఇయర్ ఇవే!

భారత ఆటోమొబైల్ రంగంలో అత్యంత ప్రతిష్టాత్మకమైన 'ఇండియన్ కార్ ఆఫ్ ది ఇయర్'(ICOTY), 'ఇండియన్ మోటార్ సైకిల్ ఆఫ్ ది ఇయర్'(IMOTY) 2026 విజేతలను ప్రకటించారు. ఈ ఏడాది మార్కెట్లో సంచలనం సృష్టించిన మారుతి సుజుకి విక్టోరిస్, టీవీఎస్ అపాచీ ఆర్టీఎక్స్ 310 అగ్రస్థానంలో నిలిచాయి. జేకే టైర్ ఆధ్వర్యం జరిగిన ఈ అవార్డుల ప్రదానోత్సవంలో వివిధ కేటగిరీల్లో విజేతలుగా ఈ వాహనాలు నిలిచాయి. అవేంటో ఇక్కడ తెలుసుకుందాం.

1. ఇండియన్ కార్ ఆఫ్ ది ఇయర్: మారుతి సుజుకి విక్టోరిస్
ఈ రేసులో మారుతి విక్టోరిస్ గట్టి పోటీని ఎదుర్కొని విజేతగా నిలిచింది. స్కోడా కైలాక్ ఫస్ట్ రన్నరప్‌గా నిలవగా.. మహింద్రా ఎక్స్ఈవీ 9ఈ మూడో స్థానాన్ని దక్కించుకుంది. టాటా హారియర్ ఈవీ, హ్యుందాయ్ క్రెటా ఈవీ వంటి దిగ్గజ కార్లు కూడా ఈ రేసులో ఉండటం గమనార్హం.

2. ఇండియన్ మోటార్‌సైకిల్ ఆఫ్ ది ఇయర్: టీవీఎస్ అపాచీ ఆర్‌టీఎక్స్ 310
టూ వీలర్ విభాగంలో టీవీఎస్ అపాచీ తన సత్తా చాటింది. కేటీఎం 390 అడ్వెంచర్, రాయల్ ఎన్‌ఫీల్డ్ క్లాసిక్ 650, యమహా ఎక్స్‌ఎస్‌ఆర్ 155 వంటి శక్తివంతమైన బైకులను వెనక్కి నెట్టి అపాచీ ఆర్‌టీఎక్స్ 310 ఈ ప్రతిష్టాత్మక టైటిల్‌ను కైవసం చేసుకుంది.

3. గ్రీన్ కార్ ఆఫ్ ది ఇయర్: మహీంద్రా ఎక్స్ఈవీ 9ఈ
పర్యావరణ హితమైన వాహనాల విభాగంలో మహింద్రా ఎలక్ట్రిక్ ఎస్‌యూవీ 'ఎక్స్ఈవీ 9ఈ' అగ్రస్థానంలో నిలిచింది. ఈ విభాగంలో టెస్లా మోడల్ వై, బీవైడీ సీలయన్ 7, హ్యుందాయ్ క్రెటా ఎలక్ట్రిక్ వంటి కార్లతో ఇది పోటీ పడింది.

4. ప్రీమియం కార్ ఆఫ్ ది ఇయర్: ఫోక్స్‌వ్యాగన్ గోల్ఫ్ జీటీఐ
లగ్జరీ, పర్ఫార్మెన్స్ విభాగంలో ఫోక్స్‌వ్యాగన్ గోల్ఫ్ జీటీఐ అవార్డును గెలుచుకుంది. బీఎమ్‌డబ్ల్యూ iX1, మెర్సిడెస్ బెంజ్ జి-క్లాస్, టయోటా కామ్రీ వంటి కార్లు ఈ కేటగిరీలో నామినేట్ అయ్యాయి.

విజేతల జాబితా సంక్షిప్తంగా..
*ఇండియన్ కార్ ఆఫ్ ది ఇయర్ (ICOTY) -మారుతి సుజుకి విక్టోరిస్
*ఇండియన్ మోటార్‌సైకిల్ ఆఫ్ ది ఇయర్ (IMOTY)- టీవీఎస్ అపాచీ ఆర్‌టీఎక్స్ 310
*ప్రీమియం కార్ ఆఫ్ ది ఇయర్-ఫోక్స్‌వ్యాగన్ గోల్ఫ్ జీటీఐ
*గ్రీన్ కార్ ఆఫ్ ది ఇయర్ (EV)-మహీంద్రా ఎక్స్ఈవీ 9ఈ

English summary

Auto Oscars 2026 winners announced. Maruti Suzuki Victoris wins Indian Car of the Year (ICOTY), TVS Apache RTX 310 bags Indian Motorcycle of the Year (IMOTY). Mahindra XEV 9e and Volkswagen Golf GTI also shine.