నిర్లక్షంగా బైక్ పార్క్ చేస్తే ఏం జరుగుతుందో తెలుసా, వీడియో వైరల్!

బెంగళూరు: బైక్ ను సురక్షిత ప్రాంతంలోనే పార్క్ చెయ్యండి, జాగ్రత్తగా ఉండండి అంటూ కర్ణాటక సీనియర్ ఐపీఎస్ అధికారిణి, బెంగళూరు నగర ట్రాఫిక్ విభాగం డీఐజీ రూపా ట్వీట్టర్ లో ఓ షాకింగ్ వీడియో పోస్టు చేశారు. ఆ వీడియో ఇప్పుడు సోషల్ మీడియాలో వైరల్ అయ్యింది.

ఓ దుకాణం ముందు సురక్షిత ప్రాంతం కాని చోట బైక్ పార్క్ చెయ్యడానికి ప్రయత్నించిన వ్యక్తి ప్రమాదానికి గురైనాడు. ఓ వ్యక్తి ఎత్తైన ప్రాంతంలో బైక్ పార్క్ చెయ్యడానికి ప్రయత్నించాడు. అప్పటికే అక్కడ ఓ బైక్ పార్క్ చేశారు. సరిపడనంత స్థలం లేకపోవడంతో ముందుగా పార్క్ చేసిన బైక్ ప్రమాదవశాత్తు అతని మీద పడిపోయింది.

Park your vehicles in a safe place--- pic.twitter.com/mbi1m9JF5k

— D Roopa IPS (@D_Roopa_IPS) October 27, 2017

వెంటనే దుకాణం యజమాని అతనికి సహాయం చెయ్యడానికి వెళ్లారు. చుట్టుపక్కల ఉన్న వారు సైతం వీడియోలు తియ్యకుండా అతనికి సహాయం చెయ్యడానికి ముందుకు వచ్చారు. ఈ ఘటన ఎక్కడ జరిగిందో మాత్రం పూర్తి వివరాలు లేవు. గత నెల 20వ తేదీన ఈ ఘటన జరిగినట్లు దుకాణం ముందు ఏర్పాటు చేసిన సీసీ కెమెరాలో రికార్డు అయ్యింది. సీసీకెమెరా క్లిప్పింగ్ లో ఆ వ్యక్తి గాయపడినట్లు తెలుస్తోంది.

English summary

Karnataka DIG Roopa post a video in twitter