ప్రముఖ నటి లైంగిక దాడి కేసు: కోయంబత్తూరులో విచారణ, అక్కడే వీడియో మెమొరీ కార్డు ?

ప్రముఖ నటి కిడ్నాప్, లైంగిక దాడి కేసులో అరెస్టు అయిన ప్రధాన నిందితుడు పల్సర్ సునీ, అతని స్నేహితుడు విగ్నేష్ ను తమిళనాడులోకి కోయంబత్తూరుకు తీసుకువచ్చిన కేరళ పోలీసులు అక్కడ విచారణ చేస్తున్నారు.

కొచ్చి/చెన్నై: ప్రముఖ నటి కిడ్నాప్, లైంగిక దాడి కేసులో అరెస్టు అయిన ప్రధాన నిందితుడు పల్సర్ సునీ, అతని స్నేహితుడు విగ్నేష్ ను తమిళనాడులోకి కోయంబత్తూరుకు తీసుకువచ్చిన కేరళ పోలీసులు అక్కడ విచారణ చేస్తున్నారు.

ప్రముఖ నటిని కిడ్నాప్ చేసిన నిందితులు కారులోనే రెండు గంటల పాటు ఆమె మీద లైంగిక దాడి చేశారని, ఆ సందర్బంలో మొబైల్ లో వీడియో తీశారని కేరళ పోలీసుల విచారణలో వెలుగు చూసింది. అయితే మొబైల్ లో వీడియో తీసిన పల్సర్ సునీ ఆ మొబైల్ లోని మెమోరీ కార్డు మాయం చేశాడు.

అంతే కాకుండా లైంగిక దాడి జరిగే సమయంలో మొబైల్ లో వీడియోతో పాటు ఫోటోలు తీశారని బాధితురాలు ఇప్పటికే పోలీసులకు ఫిర్యాదు చేసింది. ఈ కేసులో సాక్షాలు సేకరించడానికి కేరళ పోలీసులు నిందితులు పల్సర్ సునీ, విగ్నేష్ ను తమిళనాడులోని కోయంబత్తూరుకు తీసుకు వచ్చి విచారణ చేశారు.

ప్రముఖ నటి మీద లైకంగిక దాడి చేసిన సమయంలో మొబైల్ లో వీడియో తీసిన మెమొరీ కార్డు ప్రముఖ మలయాళం నటుడు దిలీప్ భార్య, ప్రముఖ నటి కావ్య మాధవన్ కు చెందిన లక్షా షోరూంలో ఇచ్చానని పల్సర్ సునీ మొదట పోలీసులకు చెప్పాడు. అయితే ఇప్పటి వరకూ ఆ మెమొరీ కార్డు పోలీసులకు చిక్కలేదు. మెమొరీ కార్డు కోయంబత్తూరులో దాచి పెట్టారని కేరళ పోలీసులకు సమాచారం అందడంతో అక్కడ విచారణ చేస్తున్నారు.

English summary

The two main accused in the actress case, Sunil Kumar and Vigeesh, were brought to Coimbatore, Tamil Nadu for evidence collection. The incident reportedly took place when the actress was returning from a shoot.