అడ్డొస్తే ఆగం జేస్తా.. గ్రీన్లాండ్ కోసం ట్రంప్ వార్నింగ్!
Donald Trump: అమెరికా ప్రెసిడెంట్ డొనాల్డ్ ట్రంప్ తన దూకుడు స్వభావాన్ని మరోసారి ప్రదర్శించారు. వ్యూహాత్మకంగా అత్యంత కీలకమైన గ్రీన్లాండ్ ద్వీపాన్ని అమెరికా నియంత్రణలోకి తీసుకురావాలనే తన ప్లాన్కు ఏ దేశమైనా అడ్డుపడితే వారిపై భారీగా టారిఫ్ (దిగుమతి సుంకాలు) విధిస్తానని ఆయన హెచ్చరించారు. ఈ ప్రకటనతో ఐరోపా దేశాలు, అమెరికా మధ్య దౌత్యపరమైన ఉద్రిక్తతలు ఒక్కసారిగా పెరిగాయి.
ట్రంప్ వార్నింగ్
వైట్ హౌస్లో జరిగిన ఒక కార్యక్రమంలో ట్రంప్ మాట్లాడుతూ.. "గ్రీన్లాండ్ అంశంలో మాకు మద్దతు ఇవ్వని దేశాలపై నేను టారిఫ్ విధించవచ్చు. అమెరికా జాతీయ భద్రత దృష్ట్యా మాకు గ్రీన్లాండ్ అవసరం" అని స్పష్టం చేశారు. రష్యా చమురును కొనుగోలు చేసే దేశాలపై, అలాగే ఇరాన్తో వ్యాపారం చేసే దేశాలపై గతంలో ఆయన ఇలాంటి ఆర్థిక ఆంక్షలనే ఆయుధాలుగా వాడారు. ఇప్పుడు అదే వ్యూహాన్ని గ్రీన్లాండ్ విషయంలోనూ అమలు చేయబోతున్నట్లు సంకేతాలిచ్చారు.
వాషింగ్టన్లో కీలక భేటీ:
ఈ ఉద్రిక్తతల మధ్య అమెరికా, డెన్మార్క్, గ్రీన్లాండ్ ఉన్నతాధికారుల మధ్య వాషింగ్టన్లో ముఖాముఖి చర్చలు జరిగాయి. ఈ సమావేశంలో అమెరికా ఉపాధ్యక్షుడు జేడీ వెన్స్, విదేశాంగ మంత్రి మార్కో రూబియో పాల్గొన్నారు. చర్చల అనంతరం డెన్మార్క్ విదేశాంగ మంత్రి లార్స్ లోకే రాస్ముసేన్ మాట్లాడుతూ.. అమెరికా వైఖరిలో మార్పు లేదని, ఇరు పక్షాల మధ్య ఇంకా ఏకాభిప్రాయం కుదరలేదని తెలిపారు.
సైన్యాన్ని మోహరిస్తున్న ఐరోపా దేశాలు:
దౌత్యపరమైన చర్చలు జరుగుతున్నప్పటికీ, గ్రీన్లాండ్లో తన సైనిక ఉనికిని పెంచుతున్నట్లు డెన్మార్క్ ప్రకటించింది. దీనికి మద్దతుగా ఫ్రాన్స్, జర్మనీ, నార్వే, స్వీడన్ దేశాలు కూడా పరిమిత సంఖ్యలో సైనికులను పంపేందుకు సిద్ధమయ్యాయి. బ్రిటన్ కూడా ఆర్కిటిక్ భద్రతా విన్యాసాల్లో భాగంగా సైన్యాన్ని మోహరిస్తున్నట్లు ధ్రువీకరించింది.
ఆర్కిటిక్ ప్రాంతంలో పెరిగిన పోటీ
గ్రీన్లాండ్ నియంత్రణపై ట్రంప్ పట్టుబట్టడం వెనుక ఆర్కిటిక్ ప్రాంతంలోని సహజ వనరులు, భౌగోళిక వ్యూహాలే ప్రధాన కారణం. ఇటలీ ప్రధాని జార్జియా మెలోనీ కూడా ఈ పరిణామాలపై స్పందిస్తూ.. ఈ ప్రాంతంలో ఉద్రిక్తతలను తగ్గించడానికి నాటో (NATO) సమన్వయంతో వ్యవహరించాలని విజ్ఞప్తి చేశారు.
-
నో హార్ముజ్, నో డీల్..! ఒట్టి చేతులతో ఇరాన్ వీడనున్న ట్రంప్..! -
గెట్ అవుట్: నమ్మకమైన స్నేహితురాలికే ట్రంప్ షాక్. -
H1B Visa: 85 వేల మందికి లక్కీ ఛాన్స్, సెలెక్షన్ లిస్ట్ వచ్చేసింది! -
అగ్నికి ఆజ్యం పోసిన ట్రంప్- క్రూడ్ రేట్లు జంప్ -
Tamil Nadu Survey: తమిళనాడు పోరు ఏకపక్షమే- తేల్చేసిన లోక్ పోల్ సర్వే..! -
తాజా కోడిగుడ్డును గుర్తుపట్టడం ఇక ఈజీ -
వేసవి సెలవుల షెడ్యూల్ లో కీలక మార్పులు, తాజా ఉత్తర్వులు..!! -
బంగారం ధరలు.. మళ్లీ మొదటికి -
పవన్ కళ్యాణ్ని నిండాముంచిన హరీష్ శంకర్.. -
పేలిన ధరల బాంబు- ఒక్కో సిలిండర్ పై రూ. 195.50 పెంపు -
IPL తొలి మ్యాచ్ లోనే సెన్సేషన్, ఎవరీ కూపర్ కనోలీ - సూర్యవంశీని డామినేట్ చేస్తూ..!! -
పాల ధరలు భారీగా పెంపు, ఒకే సారి - కొత్త రేట్లు ఇలా..!!
Click it and Unblock the Notifications
Sign in with Google