మైక్రోసాఫ్ట్ నుంచి మరో కొత్త ఓఎస్? గూగుల్ ‘క్రోమ్’కి పోటీయా?
తన ‘విండోస్’ ఆపరేటింగ్ సిస్టం(ఓఎస్)తో కంప్యూటర్ ప్రపంచాన్ని ఏలుతున్న మైక్రోసాఫ్ట్ తాజాగా ‘విండోస్ 10 క్లౌడ్’ పేరుతో మరో కొత్త ఆపరేటింగ్ సిస్టంను తీసుకొచ్చే యోచనలో ఉన్నట్లు తెలుస్తోంది.
న్యూయార్క్: తన 'విండోస్' ఆపరేటింగ్ సిస్టం(ఓఎస్)తో కంప్యూటర్ ప్రపంచాన్ని ఏలుతున్న మైక్రోసాఫ్ట్ తాజాగా మరో కొత్త ఆపరేటింగ్ సిస్టంను తీసుకొచ్చే యోచనలో ఉన్నట్లు తెలుస్తోంది.
ఇప్పుడిప్పుడే సాఫ్ట్ వేర్ మార్కెట్ లో పుంజుకుంటున్న గూగుల్ 'క్రోమ్'ఓఎస్ కు పోటీగా మైక్రోసాఫ్ట్ విండోస్ లో కొత్త వెర్షన్ ను రూపొందిస్తోందట. క్రోమ్ ఓఎస్ ను వినియోగిస్తున్న వినియోగదారులు తమ ఫైళ్లను క్లౌడ్ లో స్టోర్ చేయాల్సి ఉంటుంది.
మైక్రోసాఫ్ట్ కూడా ఇలాంటి 'విండోస్ 10 క్లౌడ్' పేరుతో ఇలాంటి ఆపరేటింగ్ సిస్టంనే అభివద్ధి చేస్తోందట. ఇందులో పూర్తిగా విండోస్ స్టోర్ నుంచి డౌన్లోడ్ చేసుకుని ఇన్ స్టాల్ చేసుకున్న యాప్ లు మాత్రమే పని చేస్తాయట.
ప్రస్తుతం గూగుల్ క్రోమ్ ఓఎస్ లోనూ అదే పరిస్థితి. ఇప్పటి వరకు క్రోమ్ యాప్ స్టోర్ నుంచి డౌన్లోడ్ చేసుకున్న యాప్ లను మాత్రమే వినియోగించుకునే వీలుండేది. అయితే ఇకనుంచి క్రోమ్ వినియోగదారులకు కొత్త సౌలభ్యం అందుబాటులోనికి రానుంది.
వీరు గూగుల్ ప్లే స్టోర్ నుంచి ఆండ్రాయిడ్ యాప్ లను కూడా డౌన్లోడ్ చేసుకుని వాడుకోవచ్చని గూగుల్ ఇటీవలే ప్రకటించింది. మరోవైపు మైక్రోసాఫ్ట్ సిద్ధం చేస్తున్న కొత్త ఓఎస్ ఈ ఏడాదే మార్కట్ లోకి వచ్చే అవశాశాలు ఉన్నట్లు సమాచారం.