బిగ్ అలర్ట్.. న్యూఇయర్ వేడుకలపై ఆంక్షలు ఇవే !!
ప్రపంచవ్యాప్తంగా కొత్త సంవత్సరానికి స్వాగతం పలుకుతూ న్యూఇయర్ వేడుకలు అత్యంత ఘనంగా నిర్వహిస్తారు. తెలుగు రాష్ట్రాల్లో సైతం వేడుకలు ఏ రేంజ్ లో జరుగుతాయో కొత్తగా చెప్పాల్సిన అవసరం లేదు. మరి ముఖ్యంగా హైదరాబాద్ వంటి మహా నగరాల్లో సెలబ్రేషన్స్ ఆకాశాన్ని అంటుతాయి. డిసెంబర్ 31 సాయంత్రం నుంచే యువత పెద్ద ఎత్తున సందడి చేస్తుంటారు. అర్థరాత్రి 12 గంటలు తర్వాత ఒకరినొకరు విషెస్ చెప్పుకుంటూ సంబరాలు షురూ చేస్తారు.
ఈ క్రమంలోనే ఈ నేపథ్యంలో ఎటువంటి అవాంఛనీయ ఘటనలు జరగకుండా హైదరాబాద్, సైబరాబాద్, రాచకొండ కమిషనరేట్ పోలీసులు పటిష్టమైన భద్రతా చర్యలు చేపట్టారు. ఇందులో భాగంగా పలు ప్రత్యేక మార్గదర్శకాలను జారీ చేశారు. స్టార్ హోటళ్లు, క్లబ్లు, బార్లు, పబ్ల నిర్వాహకులు వేడుకలకు 15 రోజుల ముందే అనుమతి పొందాలని సూచించారు. సెలబ్రేషన్స్ కి అర్ధరాత్రి ఒంటి గంట వరకు మాత్రమే అనుమతి ఉంటుందని వెల్లడించారు.
అంతే కాకుండా ఈవెంట్స్ వద్ద సీసీ కెమెరాల నిఘా, ట్రాఫిక్ నియంత్రణ, అశ్లీలతకు తావులేని ప్రదర్శనలు తప్పనిసరి అని హెచ్చరించారు. బహిరంగ ప్రదేశాల్లో లౌడ్స్పీకర్లు, డీజేలను రాత్రి 10 గంటల కల్లా ఆపివేయాలని.. ఇండోర్ వేడుకల్లో అర్ధరాత్రి 1 గంట వరకు తక్కువ శబ్దానికే అనుమతి అని రాజేంద్రనగర్ డీసీపీ యోగేష్ గౌతమ్ తెలిపారు.
బాణసంచా కాల్చడం, సామర్థ్యానికి మించిన పాస్లు/టికెట్ల జారీ పూర్తిగా నిషేధం అంటూ క్లారిటీ ఇచ్చారు. వాహన పార్కింగ్కు కూడా తగిన ఏర్పాట్లు చేయాలన్నారు. మరీ ముఖ్యంగా నూతన సంవత్సర సంబరాల్లో డ్రగ్స్, గంజాయి వంటి మత్తు పదార్థాల వాడకంపై పోలీసులు కఠిన హెచ్చరికలు జారీ చేశారు. ఇటువంటివి గమనిస్తే వెంటనే పోలీసులకు సమాచారం ఇవ్వాలని ప్రజలను సూచించారు. మైనర్లకు వేడుకల్లో ప్రవేశం నిషేధించబడిందని.. డ్రగ్స్ వాడకంపై కఠిన చర్యలు తప్పవని స్పష్టం చేశారు.
ప్రతి ఏటా మాదిరిగానే ఎక్సైజ్, నార్కోటిక్స్, పోలీసులు కలిసి అనుమానిత ప్రాంతాలు, పబ్లు, బార్లలో తనిఖీలు నిర్వహిస్తారని పేర్కొన్నారు. డ్రగ్స్ టెస్టులు నిమిషాల్లోనే గుర్తించే అత్యాధునిక పరికరాలు, డాగ్ స్క్వాడ్ బృందాలను కూడా తనిఖీల్లో వినియోగిస్తారన్నారు. డ్రంకన్ డ్రైవ్ తనిఖీలు విస్తృతంగా ఉంటాయని.. మద్యం సేవించి వాహనాలు నడపకుండా డ్రైవర్లను ఏర్పాటు చేసుకోవాలని సూచించారు. గత అనుభవాలను దృష్టిలో ఉంచుకొని ఈ ప్రత్యేక చర్యలు చేపట్టినట్లు తెలిపారు. నూతన సంవత్సర వేడుకలను ప్రశాంత వాతావరణంలో జరుపుకోవాలని విజ్ఞప్తి చేశారు.
-
పులుల గర్జనతో గ్రీన్ తెలంగాణ! నల్లమల అడవుల్లో అరుదైన రికార్డ్ -
కేటీఆర్ చుట్టూ కొత్త వివాదం, ఏం జరుగుతోంది..!! -
హైదరాబాద్లో దివంగత మాజీ సీఎం జయలలిత భవనం సీజ్ -
హనుమ జయంతి వేళ చిరంజీవి ఇంట్లో అరుదైన అపురూప దృశ్యం..!! -
ఆ యూనివర్సిటీలో ఎలుకల భయం.. 11మంది విద్యార్థులను కరిచిన ఎలుకలు! -
తెలంగాణాకు కొత్త టెన్షన్.. క్యాన్సర్ కేసులపై ఐసీఎంఆర్ షాకింగ్ నివేదిక! -
జాబ్స్ ఇవ్వాలి గానీ.. జీవోలు అడ్డు పెడుతున్నారు – ప్రభుత్వంపై కవిత ఫైర్ -
పెళ్లికి రెడీ అయిన యంగ్ కపుల్.. -
లబ్దిదారులకు రెండు ఉచిత వంటగ్యాస్ సిలిండర్లు, రూ. 2,500 రీఛార్జ్ రేషన్ కార్డ్ -
మళ్లీ మొదలెట్టావా పాప.. ప్రెగ్నెన్సీ నిజమేనా? -
Tamil Nadu Survey: తమిళనాడు పోరు ఏకపక్షమే- తేల్చేసిన లోక్ పోల్ సర్వే..! -
విజయ్ దేవరకొండపై ఆ స్టార్ హీరో భార్య సీక్రెట్ లవ్.. పెళ్లయినా ఆగని..!
Click it and Unblock the Notifications
Sign in with Google