కార్పొరేట్ సంస్థల కీలక ఒప్పందాలు, భారీ పెట్టుబడులు..!!

తెలంగాణలో పెట్టుబడులకు దేశ, విదేశాలకు చెందిన వివిధ కంపెనీలు ఆసక్తి చూపుతున్నాయి. గ్లోబల్ సమ్మిట్‌లో వివిధ కంపెనీల ప్రతినిధులతో ముఖ్యమంత్రి రేవంత్ వరుస సమావేశాలు నిర్వహిస్తున్నారు. ఆయన సమక్షంలో పలు కంపెనీలు ఎంవోయూలు కుదుర్చుకుంటున్నాయి. తెలంగాణలో డెయిరీ విస్తరణ కోసం గోద్రెజ్​ ఇండస్ట్రీస్​ గ్రూప్​ ఒప్పందం కుదుర్చుకుంది. ఫుడ్​ అండ్​ అగ్రికల్చర్​ ఆర్​డీ సెంటర్​ కోసం ఫెర్టిస్​ ఇండియాతో ఒక ఒప్పందం జరిగింది.

ఫ్యూచర్ సిటీలో తెలంగాణ రైజింగ్ గ్లోబల్ సమ్మిట్ రెండో రోజు కొనసాగుతోంది. తెలంగాణలో పెట్టు బడులు పెట్టేందుకు పలు సంస్థలు ముందుకు వచ్చాయి. సీఎం రేవంత్​రెడ్డితో గోద్రెజ్​ జెర్సీ సంస్థ ఎగ్జిక్యూటివ్​ వైస్​ ఛైర్మన్​ ఫిరోజ్​ షా గోద్రెజ్​, గ్రూప్​ ప్రెసిడెంట్​ రాకేశ్​ స్వామి సమావేశం అయ్యారు. హైదరాబాద్​లో తమ సంస్థ విస్తరణపై ఫిరోజ్​షా గోద్రెజ్​ సీఎంతో చర్చించారు. పాలు, ఎఫ్​ఎంసీజీ, రియల్​ఎస్టేట్​, ఆయిల్​పామ్​ విభాగాల్లో పెట్టుబడులు పెట్టేందుకు ఆ సంస్థ ఆసక్తి చూపిస్తుంది. మరోవైపు సుమధుర గ్రూప్​, టీసీసీఐ తైవాన్​ గ్రూప్​ తెలంగాణ ప్రభుత్వంతో ఎంవోయూలు కుదుర్చుకున్నాయి. రాష్ట్రంలో రూ.1000 కోట్లు పెట్టుబడి పెట్టేందుకు భారత్​ బయోటెక్​ ఇంటర్నేషనల్​ సంస్థ ముందుకు వచ్చింది. కాంట్రాక్ట్​ రీసెర్చ్​, డెవలప్​మెంట్​ అండ్​ మ్యానుఫ్యాక్చరింగ్​ ఆర్గనైజేషన్​(సీఆర్​డీఎంవో) నిర్మాణానికి రూ.1000 కోట్లు పెట్టుబడి పెట్టనుంది.

అదే విధంగా సుమధుర గ్రూప్, టీసీసీఐ తైవాన్ గ్రూప్.. ప్రభుత్వంతో ఎంవోయూలు కుదుర్చు న్నాయి. తాజ్ జీవీకే మేనేజింగ్ డైరెక్టర్ శాలిని భూపాల్, సుమధుర గ్రూప్ ప్రతినిధులు.. సీఎం రేవంత్‌ను కలిసి ప్రభుత్వంతో ఎంవోయూ కుద్చుకున్నారు. వీరితో పాటు అరబిందో, భారత్ బయో టెక్, హెటెరో, ఎంఎస్‌ఎన్ ఫార్మా ప్రతినిధులు కూడా సీఎంను కలిసి ప్రభుత్వంతో ఎంవోయూ చేసుకున్నారు. అంతేకాకుండా.. వింటేజ్ కాఫీ హౌస్, కేజే ఎస్ ఇండియా ప్రైవేట్ లిమిటెడ్, రిలయన్స్ కన్స్యూమర్ ప్రొడక్ట్స్ లిమిటెడ్ ప్రతినిధులు, బయోలాజికల్స్ ఈ, విజ్జి ఇంక్ (యుఎస్‌ఏ) , గ్రాన్యూల్స్ ఫార్మా ప్రతినిధులు, ఫిజిక్స్ వాలా ప్రతినిధులు వరుసగా సీఎంతో సమావేశమయ్యారు. ఈ సంస్థలు కాంగ్రెస్ సర్కార్‌తో ఎంవోయూ చేసుకున్నాయి. అలాగే సీఎం రేవంత్‌ను ప్రెస్టీజ్ గ్రూప్ సీఈఓ స్వరూప్ అనివేశ్, అనలాగ్ ఏ ఐ ఓటూడ్లోజ్ ప్రతినిధులు, డ్రీమ్ వాలీ గోల్ఫ్ అండ్ రిసార్ట్స్ ప్రతినిధులు, సెంబ్ కార్ప్ (సింగపూర్) ప్రతినిధులు, తల్వాన్ గ్రూప్ ప్రతినిధులు సమావేశం అయ్యారు. కొత్త పెట్టుబడులకు తెలంగాణ స్వర్గధామంగా రేవంత్ పేర్కొ రు. ప్రభుత్వం అన్ని రకాలుగా పెట్టుబడి దారులకు అండగా నిలుస్తుందని హామీ ఇచ్చారు.

English summary

The state government had inked investment MoUs worth Rs 2.43 lakh crore on Monday on the sidelines of the summit