త్రివేంద్ర సింగ్ రావ‌త్

త్రివేంద్ర సింగ్ రావ‌త్ ప్ర‌స్తుతం ఉత్త‌రాఖండ్ రాష్ట్రానికి ఎనిమిదో ముఖ్య‌మంత్రిగా ఉన్నారు. 1960 లో ఆయ‌న‌ కోట్‌ద్వార్ తెహెసిల్‌లోని ఖైరాసైన్ అనే గ్రామంలో జ‌న్మించారు.

By Keshav Karna | Monday, February 8, 2021, 01:14:34 PM [IST]

Quick Links

త్రివేంద్ర సింగ్ రావ‌త్ బయోగ్రఫీ (జీవిత చరిత్ర)
త్రివేంద్ర సింగ్ రావ‌త్ వ్యక్తిగత జీవితం
త్రివేంద్ర సింగ్ రావ‌త్ రాజకీయ జీవితం
త్రివేంద్ర సింగ్ రావ‌త్ సాధించిన విజయాలు
త్రివేంద్ర సింగ్ రావ‌త్ సంబంధించి ఆసక్తికరమైన విషయాలు
త్రివేంద్ర సింగ్ రావ‌త్ గ‌త చ‌రిత్ర
త్రివేంద్ర సింగ్ రావ‌త్ ఆస్తులు

త్రివేంద్ర సింగ్ రావ‌త్ బయోగ్రఫీ (జీవిత చరిత్ర)

త్రివేంద్ర సింగ్ రావ‌త్ ప్ర‌స్తుతం ఉత్త‌రాఖండ్ రాష్ట్రానికి ఎనిమిదో ముఖ్య‌మంత్రిగా ఉన్నారు. 1960 లో ఆయ‌న‌ కోట్‌ద్వార్ తెహెసిల్‌లోని ఖైరాసైన్ అనే గ్రామంలో జ‌న్మించారు. ప్ర‌తాప్ సింగ్ రావ‌త్ మ‌రియు బొచ్చా దేవీలు ఆయ‌న త‌ల్లిదండ్రులు. తొమ్మిది మంది సంతానంలో ఆయ‌నే చిన్నవారు. శ్రీన‌గర్‌లోని బిర్లా క్యాంప‌స్ నుంచి ఆయ‌న‌ జ‌ర్న‌లిజంలో మాస్ట‌ర్స్ డిగ్రీని పూర్తి చేశారు. రావ‌త్ 1979 నుంచి 2002 వ‌ర‌కు ఆర్ఎస్ఎస్‌లో ఉత్త‌రాఖండ్ ఆర్గ‌నైజింగ్ సెక్ర‌ట‌రీ స‌హా ప‌లు కీల‌క బాధ్య‌త‌ల‌ను నిర్వ‌ర్తించారు.

2002 లో దోయివాలా నియోజ‌క‌వ‌ర్గం నుంచి ఆయ‌న తొలిసారిగా రాష్ట్ర శాస‌న‌స‌భ‌కు ఎన్నిక‌య్యారు. 2007 లో జ‌రిగిన ఎన్నికల్లో తిరిగి త‌న స్థానాన్ని నిల‌బెట్టుకుంటూ రాష్ట్ర వ్య‌వ‌సాయ శాఖా మంత్రిగా బాధ్య‌త‌లు స్వీక‌రించారు. ఆయ‌న భార‌తీయ జ‌న‌తా పార్టీ జార్ఖండ్ ఇంఛార్జీగా మ‌రియు ఉత్త‌రాఖండ్ క్యాడ‌ర్ అధ్య‌క్షుడిగా ప‌ని చేశారు. 2017 లో జ‌రిగిన శాస‌న‌స‌భ ఎన్నిక‌ల్లో భాజ‌పా విజ‌యం సాధించ‌డంతో ఆయ‌న ఉత్త‌రాఖండ్ ముఖ్య‌మంత్రి అయ్యారు.

మరిన్ని చదవండి

త్రివేంద్ర సింగ్ రావ‌త్ వ్యక్తిగత జీవితం

పూర్తి పేరు	త్రివేంద్ర సింగ్ రావ‌త్
పుట్టిన తేదీ	20 Sep 1960 (వ‌య‌స్సు 65)
పుట్టిన ప్రాంతం	ఖైరాసైన్
పార్టీ పేరు	Bharatiya Janta Party
విద్య	Post Graduate
వృత్తి	సామాజిక కార్య‌క‌ర్త & ఎమ్మేల్యే
తండ్రి పేరు	ప్ర‌తాప్ సింగ్ రావ‌త్
తల్లి పేరు	బొచ్చా దేవీ
జీవిత భాగస్వామి పేరు	సునీతా రావ‌త్
జీవిత భాగస్వామి వృత్తి	ఉపాధ్యాయురాలు

త్రివేంద్ర సింగ్ రావ‌త్ నికర ఆస్తులు

నికర ఆస్తులు

₹1.04 CRORE

ఆస్తులు

₹1.16 CRORE

బాధ్యతలు

₹11.59 LAKHS

త్రివేంద్ర సింగ్ రావ‌త్ సంబంధించి ఆసక్తికరమైన విషయాలు

త్రివేంద్ర సింగ్ రావ‌త్ కొండ ప్రాంతాల‌లో త‌యార‌య్యే ఆహార ప‌దార్థాల‌ను ఇష్ట‌ప‌డుతుంటారు. త‌న స్వంత గ్రామానికి త‌రచూ వెళుతూ, ముఖ్యంగా చ‌లికాలంలో ల‌భ్య‌మ‌య్యే "మధువా" రొట్టెల‌ను ఎంతో ఇష్టంగా ఆర‌గిస్తుంటారు.

త్రివేంద్ర సింగ్ రావ‌త్ రాజకీయ జీవితం

2017 : 2017 రాష్ట్ర శాస‌న‌స‌భ ఎన్నిక‌ల్లో మొత్తం 70 సీట్ల‌కు గానూ బీజేపీ 57 స్థానాలు నెగ్గి, చారిత్రాత్మ‌క విజ‌యం సాధించింది. దీంతో మార్చి, 2017 లో ఆయ‌న ఉత్త‌రాఖండ్ రాష్ట్రానికి ఎనిమిదో ముఖ్య‌మంత్రిగా ప్ర‌మాణ‌స్వీకారం చేశారు.
2014 : జార్ఖండ్ బీజేపీ ఇంఛార్జీగా ఆయ‌న నియ‌మితుల‌య్యారు. దీంతోపాటు గంగా న‌ది ప్ర‌క్షాళ‌న‌కు చేప‌ట్టిన న‌మామీ గంగే ప‌థ‌కంలో స‌భ్యుడిగానూ ఆయ‌న నియ‌మితుల‌య్యారు.
2010 : బీజేపీ జాతీయ కార్య‌ద‌ర్శిగా త్రివేంద్ర నియ‌మితుల‌య్యారు.
2007 : దోయివాలా నియోజ‌క‌వ‌ర్గం నుంచి ఆయ‌న మ‌రోసారి ఎమ్మేల్యేగా ఎన్నిక‌య్యారు.
2002 : దోయివాలా నియోజ‌క‌వ‌ర్గం నుంచి ఆయ‌న ఎమ్మేల్యేగా ఎన్నిక‌య్యారు.
1997 : ఉత్త‌ర ప్ర‌దేశ్ మ‌రియు ఉత్త‌రాఖండ్ రాష్ట్రాల బీజేపీ కార్య‌ద‌ర్శి(ఆర్గ‌నైజేష‌న్‌)గా త్రివేంద్ర సింగ్ రావ‌త్ ప‌ని చేశారు. 2002 లో ఆయ‌న మ‌రోసారి ఈ బాధ్య‌త‌ల‌ను స్వీక‌రించారు.
1993 : బీజేపీ కార్య‌ద‌ర్శి(ఆర్గ‌నైజేష‌న్‌)గా త్రివేంద్ర సింగ్ రావ‌త్ నియ‌మితుల‌య్యారు.

గ‌త చ‌రిత్ర

1989: ఉత్త‌ర్ ప్ర‌దేశ్‌లోని మీర‌ట్ కేంద్రంగా ప‌నిచేసే రాష్ట్ర‌దేవ్ ప‌త్రిక‌కు సంపాద‌కుడిగా వ్య‌వ‌హ‌రించారు.
1985: ఉత్త‌రాఖండ్‌లోని డెహ్రాడూన్ న‌గ‌ర ప్ర‌చారక్‌గా నియ‌మితుల‌య్యారు.
1983: ఉత్త‌రాఖండ్‌లోని శ్రీన‌గ‌ర్ తెహిసిల్ ఆర్ఎస్ఎస్ ప్ర‌చార‌క్‌గా బాధ్య‌త‌లు చేప‌ట్టారు.
1981: ఆయ‌న సంఘ్ ప్ర‌చార‌క్ అయ్యారు.
1979: రాష్ట్రీయ స్వయం సేవ‌క్ సంఘ్‌లో రావ‌త్ చేరారు.

త్రివేంద్ర సింగ్ రావ‌త్ సాధించిన విజయాలు

త్రివేంద్ర సింగ్ రావ‌త్ మంచి నాయ‌క‌త్వ ల‌క్ష‌ణాలున్న‌వాడు. త‌న ప్ర‌తిభ‌తో జార్ఖండ్ రాష్ట్ర ఇంఛార్జీగా అహ‌ర్నిశ‌లు క‌ష్ట‌ప‌డి, 2014 ఎన్నిక‌ల్లో బీజేపీ విజ‌యానికి కార‌కుల‌య్యారు. ఇవేగాక ఉత్త‌రాఖండ్ రాష్ట్రంలో ప‌లు ఉద్య‌మాల‌కు నాయ‌క‌త్వం వ‌హించి, అనేక సార్లు అరెస్టు కూడా అయ్యారు. "వ‌న్ ట్ర‌స్ట్ మెడిక‌ల్ కాలేజీ-హాల్‌ద్వాంత్" కేసులో నైనిటాల్ హైకోర్టులో ప్ర‌జా ప్ర‌యోజ‌న వ్యాజ్యం(పిల్) దాఖ‌లు చేసి విద్యా ఫీజు రూ.1.5 ల‌క్ష‌ల నుంచి రూ.25 వేల‌కు దిగి రావ‌డంలో కీల‌క పాత్ర పోషించారు. ఈ కేసులో స్థానికులకు 70 శాతం రిజ‌ర్వేష‌న్ల‌ను అమ‌లు చేయాల‌ని కోర్టు తీర్పునివ్వ‌డం గ‌మ‌నార్హం. దీంతోపాటు ప్ర‌తీ రెండేళ్ల‌కొక‌సారి న్యాయ్ పంచాయ‌తీ స్థాయిలో "కృష‌క్ మ‌హోత్స‌వ్‌"ల‌ను రావ‌త్ ఏర్పాటు చేసేవారు.ఈ స‌ద‌స్సుల‌లో 18 శాఖ‌ల‌కు చెందిన అధికారులు రైతుల స‌మ‌స్య‌ల‌ను ప‌రిష్క‌రించి వారికి త‌గిన స‌హాయం చేసేవారు. రైతులు తాము పండించిన పంట‌ల‌ను తామే ప్ర‌త్య‌క్షంగా అమ్ముకునేలా "అప్నో బ‌జార్" పేరిట దుకాణాల‌ను సైతం ఏర్పాటు చేసారు.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.