శివ‌రాజ్ సింగ్ చౌహాన్‌

శివ‌రాజ్ సింగ్ చౌహాన్ మ‌ధ్య‌ప్ర‌దేశ్ మాజీ ముఖ్య‌మంత్రి. ఆయ‌న భార‌తీయ జ‌న‌తా పార్టీకి చెందిన‌వారు.

By Zainab Ashraf | Tuesday, February 19, 2019, 12:59:48 PM [IST]

Quick Links

శివ‌రాజ్ సింగ్ చౌహాన్‌ బయోగ్రఫీ (జీవిత చరిత్ర)
శివ‌రాజ్ సింగ్ చౌహాన్‌ వ్యక్తిగత జీవితం
శివ‌రాజ్ సింగ్ చౌహాన్‌ రాజకీయ జీవితం
శివ‌రాజ్ సింగ్ చౌహాన్‌ సాధించిన విజయాలు
శివ‌రాజ్ సింగ్ చౌహాన్‌ సంబంధించి ఆసక్తికరమైన విషయాలు
శివ‌రాజ్ సింగ్ చౌహాన్‌ గ‌త చ‌రిత్ర
శివ‌రాజ్ సింగ్ చౌహాన్‌ ఆస్తులు

శివ‌రాజ్ సింగ్ చౌహాన్‌ బయోగ్రఫీ (జీవిత చరిత్ర)

శివ‌రాజ్ సింగ్ చౌహాన్ మ‌ధ్య‌ప్ర‌దేశ్ మాజీ ముఖ్య‌మంత్రి. ఆయ‌న భార‌తీయ జ‌న‌తా పార్టీకి చెందిన‌వారు. రాజ‌కీయాల‌లోకి రాక‌ముందు ఆయ‌న రాష్ట్రీయ స్వ‌యం సేవ‌క్ సంఘ్ కార్య‌క‌ర్త‌గా సేవ‌లందించారు. 1972 లో 13 ఏళ్ల వ‌య‌సులోనే ఆయ‌న ఆర్ఎస్ఎస్‌లో చేరారు. విదిశ లోక్‌స‌భ నియోజ‌క‌వ‌ర్గం నుంచి ఆయ‌న ఐదు సార్లు పార్ల‌మెంట్‌కు ఎన్నిక‌య్యారు. ఆయ‌న ప్ర‌స్తుతం సేహోర్ జిల్లాలోని బుధిని నియోజక‌వ‌ర్గం నుంచి ప్రాతినిథ్యం వ‌హిస్తున్నారు. ఏబీవీపిలోనూ ఆయ‌న వివిధ హోదాల‌లో సేవ‌లందించారు. రాజ‌కీయ జీవితం ప్రారంభించిన తొలినాళ్ల‌లో ఆయ‌న అఖిల్ భార‌తీయ కేశ‌రియా వాహిని క‌న్వీన‌ర్‌గానూ ఉన్నారు.

ఆయ‌న చేప‌ట్టిన ప‌లు మ‌హిళా సంక్షేమం మ‌రియు సాధికార‌త ప‌థ‌కాల కార‌ణంగా శివ‌రాజ్ సింగ్ చౌహాన్ చాలా ప్ర‌సిద్ధి గాంచారు. ముఖ్య‌మంత్రిగా ఉన్న స‌మ‌యంలో పెద్ద ఎత్తున ప‌లు ప‌థ‌కాలు చేప‌ట్టారు వాటిలో గావోంకీ బేటీ యోజ‌నా, జ‌న‌నీ సుర‌క్షా ఎవ‌మ్ జ‌న‌నీ ప్ర‌స‌వ్ యోజ‌నా, స్వాగ‌తం ల‌క్ష్మీ యోజ‌నా, ఉషా కిర‌ణ్ యోజ‌నా, తేజ‌స్విని, వ‌న్‌స్టాప్ క్రైసిస్ సెంట‌ర్, లాడో అభియాన్‌ మొద‌లైన‌వి. శివ‌రాజ్ సింగ్ చౌహాన్ త‌న బాల్యంలో చాలా రోజుల‌ను న‌ర్మ‌దా న‌దిలో ఈత కొట్టేందుకే వెచ్చించి, ఆ న‌దితో గాఢ అనుబంధాన్ని ఏర్ప‌రుచుకున్నారు. ఆ నదిని ప‌ర్యావ‌ర‌ణ ప‌రంగా ర‌క్షించేందుకు ప‌లు కార్య‌క్ర‌మాలు చేప‌ట్ట‌డం ద్వారా నర్మ‌దా ప‌ట్ల త‌న కృత‌జ్ఞ‌తాభావాన్ని, భావోద్వేగ బంధాన్ని ఆయ‌న చాటారు.

మరిన్ని చదవండి

శివ‌రాజ్ సింగ్ చౌహాన్‌ వ్యక్తిగత జీవితం

పూర్తి పేరు	శివ‌రాజ్ సింగ్ చౌహాన్‌
పుట్టిన తేదీ	05 Mar 1959 (వ‌య‌స్సు 67)
పుట్టిన ప్రాంతం	సేహోర్, మ‌ధ్య‌ప్ర‌దేశ్
పార్టీ పేరు	Bharatiya Janta Party
విద్య	Post Graduate
వృత్తి	రైతు
తండ్రి పేరు	ప్రేమ్ సింగ్ చౌహాన్
తల్లి పేరు	సుంద‌ర్ బాయ్ చౌహాన్
జీవిత భాగస్వామి పేరు	సాధ‌నా సింగ్ చౌహాన్
సంతానం	2 కుమారులు
మతం	హిందూ
వెబ్‌సైట్	http://www.shivrajsinghchouhan.org/

శివ‌రాజ్ సింగ్ చౌహాన్‌ నికర ఆస్తులు

నికర ఆస్తులు

₹8.34 CRORE

ఆస్తులు

₹8.99 CRORE

బాధ్యతలు

₹64.12 LAKHS

శివ‌రాజ్ సింగ్ చౌహాన్‌ సంబంధించి ఆసక్తికరమైన విషయాలు

1975 అత్య‌వ‌స‌ర ప‌రిస్థితి కాలంలో ఆర్ఎస్ఎస్ కార్య‌క‌ర్త‌గా అతి చిన్న వ‌య‌సులోనే శివ‌రాజ్ నిర్భంధించ‌బ‌డ్డారు.
అక్టోబ‌రు 7, 1988 లో భోపాల్‌లో అప్ప‌టి కాంగ్రెస్ ప్ర‌భుత్వానికి వ్య‌తిరేకంగా చేప‌ట్టిన ర్యాలీలో దాదాపు 40 వేల మంది ఆయ‌న‌కు మ‌ద్ద‌తుగా నిలిచారు. ర్యాలీకి త‌గ్గ‌ట్లుగా జిల్లా యంత్రాంగం ఏర్పాట్లు చేప‌ట్టిన‌ప్ప‌టికీ దాదాపు ల‌క్ష మందికి పైగా జ‌నం ఆయ‌న‌కు మ‌ద్ద‌తు ప‌లికేందుకు భోపాల్‌కు చేరుకున్నారు.

క‌బ‌డ్డీ, క్రికెట్ మ‌రియు వాలీబాల్ ఆయ‌న‌కిష్ట‌మైన ఆట‌లు. గ్రామీణ ప్రాంతాల్లోని ప‌లు క్రీడా సంఘాల‌తో ఆయ‌న సంబంధం క‌లిగి ఉన్నారు.

శివ‌రాజ్ సింగ్ చౌహాన్‌ రాజకీయ జీవితం

2013: మ‌ధ్య‌ప్ర‌దేశ్‌లో మూడోసారి పార్టీని గెలిపించి, మ‌ళ్లీ ముఖ్య‌మంత్రి అయ్యారు. త‌ద్వారా రాష్ట్రంలో ఎక్కువ కాలం సేవ‌లందించిన ముఖ్య‌మంత్రిగా రికార్డు సృష్టించారు.
2008: డిసెంబ‌రు 12, 2008 లో జ‌రిగిన అసెంబ్లీ ఎన్నిక‌ల్లో వ‌రుసగా రెండోసారి పార్టీని అధికారంలోకి తీసుకువ‌చ్చి ముఖ్య‌మంత్రి పీఠాన్ని అధిష్టించారు.
2006: 1990 లో త‌న రాజకీయ జీవితం ప్రారంభ‌మైన బుధినీ నియోజ‌క‌వ‌ర్గం ఉప ఎన్నిక‌ల‌లో గెలిచి ఆయ‌న రాష్ట్ర శాస‌న‌స‌భ‌కు ఎన్నిక‌య్యారు.
2005: 2005 లో మ‌ధ్య‌ప్ర‌దేశ్ బీ.జే.పీ అధ్య‌క్షుడ‌య్యారు. న‌వంబ‌రు 29, 2005 లో రాష్ట్ర ముఖ్య‌మంత్రిగా ప్ర‌మాణ‌స్వీకారం చేశారు.
2004: వ‌రుస‌గా ఐద‌వ‌సారి ఎంపీగా గెలిచి 14 వ లోక్‌స‌భ‌కు ఎన్నిక‌య్యారు. వ్య‌వ‌సాయ క‌మిటీ, లాభాపేక్ష సంస్థ‌ల సంయుక్త క‌మిటీలో స‌భ్యుడిగా ఉన్నారు. లోక్‌స‌భ హౌజ్ క‌మిటీకి మ‌రోమారు సార‌థ్యం వ‌హించారు.
1999: విదిశ లోక్‌స‌భ సీటు నుంచి వ‌రుస‌గా నాలుగోసారి ఆయ‌న ఎంపీ అయ్యారు. లోక్‌స‌భ హౌజ్ క‌మిటీ ఛైర్మ‌న్ మ‌రియు భార‌తీయ జ‌న‌తా పార్టీ జాతీయ కార్య‌ద‌ర్శి అయ్యారు.
1998: 12 వ లోక్‌స‌భ‌కు తిరిగి ఎన్నిక‌య్యారు(మూడోసారి). 1998-99 మ‌ధ్య ప‌ట్ట‌ణ & గ్రామీణాభివృద్ధి మ‌రియు గ్రామీణ ప్రాంతాలు మ‌రియు ఉద్యోగిత స‌బ్ క‌మిటీల్లో స‌భ్యుడిగా ఉన్నారు.
1996: విదిశ నుంచి మ‌రోమారు 11 వ లోక్‌స‌భ‌కు ఎన్నిక‌య్యారు. ఎంపీగా ఉన్న ఈ స‌మ‌యంలో లోక్‌స‌భ‌లోని ప‌ట్ట‌ణ మ‌రియు గ్రామీణాభివృద్ధి, మాన‌వ వ‌న‌రుల అభివృద్ధి, హిందీ స‌లాహ్‌కార్ స‌మితీ మ‌రియు కార్మిక సంక్షేమ క‌మిటీల‌లో క్రియాశీల‌క స‌భ్యుడిగా ఉన్నారు.
1992: భార‌తీయ జ‌న‌తా యువ మోర్చా(బీజేవైఎం) జ‌న‌ర‌ల్ సెక్ర‌ట‌రీ అయ్యారు.
1991: విదిశ పార్ల‌మెంట‌రీ సీటుకు శ్రీ అట‌ల్ బిహారీ వాజ్‌పేయీ రాజీనామా చేసిన త‌ర్వాత ఆ నియోజ‌క‌వ‌ర్గ‌ అభ్య‌ర్థిగా పార్టీ శివ‌రాజ్ సింగ్ చౌహాన్‌ను ఎంపిక చేసింది. ఆ సీటు నుంచి గెలిచిన ఆయ‌న దేశంలోని యువ ఎంపీల‌లో ఒక‌రిగా పేరు గాంచారు.
1990: 31 ఏళ్ల యుక్త వ‌య‌సులో శివ‌రాజ్ సింగ్ చౌహాన్ బుధినీ నియోజ‌క‌వ‌ర్గం నుంచి రాష్ట్ర శాస‌న‌స‌భ‌కు ఎన్నిక‌య్యారు. ఆయ‌న త‌న కాంగ్రెస్ ప్ర‌త్య‌ర్థి పై 22 వేల ఓట్ల తేడాతో గెలిచారు.
1988: మ‌ధ్య‌ప్ర‌దేశ్ బీజేపీ యువ‌మోర్చా అధ్య‌క్షుడిగా ఎన్నిక‌య్యారు.
1984: మ‌ధ్య‌ప్ర‌దేశ్ భార‌తీయ జ‌న‌తా యువ మోర్చా సంయుక్త కార్య‌ద‌ర్శిగా శివ‌రాజ్ సింగ్ నియ‌మితుల‌య్యారు. ఏడాది వ్య‌వ‌ధిలోనే ఆ సంస్థ జాయింట్ సెక్ర‌ట‌రీ అయ్యారు.

గ‌త చ‌రిత్ర

1978: మ‌ధ్య‌ప్ర‌దేశ్ ఏ.బీ.వీ.పీ సంయుక్త కార్య‌ద‌ర్శి అయ్యారు. 1980 లో ఆయ‌న ఏ.బీ.వీ.పీ ప్ర‌ధాన కార్య‌ద‌ర్శిగా 1982 లో ఆ సంస్థ జాతీయ కార్య‌నిర్వాహాక స‌భ్యుడిగా ఎదిగారు.
1977: రాష్ట్రీయ స్వ‌యం సేవ‌క్ సంఘ్(ఆర్ఎస్ఎస్‌)లో శివ‌రాజ్ చేరారు. చాలా చిన్న వ‌య‌సులోనే కార్య‌క‌ర్త‌గా చేరారు. ఆ త‌ర్వాత ఆయ‌న అఖిల భార‌త విద్యార్థి ప‌రిష‌త్(ఏబీవీపీ), భోపాల్ విభాగం సంస్థాగ‌త కార్య‌ద‌ర్శి అయ్యారు.
1975: 16 ఏళ్ల వ‌య‌సులో మోడ‌ల్ హైయ్య‌ర్ సెకండ‌రీ స్కూల్ స్టూడెంట్స్ యూనియ‌న్ అధ్య‌క్షుడిగా ఎన్నిక‌య్యారు.

శివ‌రాజ్ సింగ్ చౌహాన్‌ సాధించిన విజయాలు

డిసెంబ‌రు 13, 2016 నాడు సూర్యోద‌య్ మాన్వ‌తా సేవా స‌మ్మాన్ పుర‌స్కారంతో స‌త్క‌రించ‌బ‌డ్డారు.
2003 కు ముందు మ‌ధ్య‌ప్ర‌దేశ్ చాలా వెనుక‌బ‌డిన రాష్ట్రం. శివ‌రాజ్ సింగ్ నాయ‌క‌త్వంలో రాష్ట్ర జీడీపీ బాగా పెరిగింది. 2014-15 ఆర్థిక సంవ‌త్స‌రంలో దేశంలోని అన్ని రాష్ట్రాల‌లో కంటే ఎక్కువ‌గా మ‌ధ్య‌ప్ర‌దేశ్ 10.19 శాతం వృద్ధిని న‌మోదు చేసింది.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.