అరవింద్ కేజ్రీవాల్
అరవింద్ కేజ్రీవాల్ బయోగ్రఫీ (జీవిత చరిత్ర)
దేశ రాజకీయ రంగంలో అరవింద్ కేజ్రీవాల్ ప్రముఖ రాజకీయ నాయకులు, సామాజిక ఉద్యమకారులు. ఆయన హర్యానాలోని ఒక మారుమూల గ్రామంలో జన్మించారు. చిన్ననాటి నుంచే చదువుల్లో చురుగ్గా ఉండే ఆయన, ఐఐటీ ప్రవేశ పరీక్షలో మొదటి ప్రయత్నంలోనే ఉత్తీర్ణులై, ఖరగ్పూర్ ఐఐటీలో మెకానికల్ ఇంజినీరింగ్లో చేరారు. డిగ్రీ పూర్తయిన వెంటనే ఆయనకు టాటా స్టీల్లో ఉద్యోగం లభించింది. అందులో ఇమడలేక తన మనఃసాక్షి ప్రకారం సివిల్స్ రాసేందుకు ఉద్యోగానికి రాజీనామా చేశారు. 1993 లో సివిల్ సర్వీసు పరీక్షల్లో పాసయి కేజ్రీవాల్ ఇండియన్ రెవెన్యూ సర్వీసెస్లో చేరారు. 1995 లో తన తోటి ఐఆర్ఎస్ అధికారిని అయిన సునీతను పెళ్లి చేసుకున్నారు. కాళీఘాట్లోని మదర్ థెరెసా ఆశ్రమంలో ఆయన రెండు నెలల పాటు సేవ చేసే అవకాశం కూడా దక్కించుకున్నారు.
నకిలీ రేషన్ కార్డుల కుంభకోణాన్ని బయట పెట్టేందుకు 1999 లో చేపట్టిన పరివర్తన్ (మార్పు) ఉద్యమంతో ఆయన ఒక్కసారిగా వెలుగులోకి వచ్చారు. ఆదాయ పన్ను, విద్యుత్తు, ఆహర, రేషన్ పదార్థాల విషయాల పట్ల ఢిల్లీ పౌరుల పక్షాన ఆయన పోరాడారు. మరిన్ని సామాజిక సమస్యలపై దృష్టి పెట్టేందుకు తన ఉద్యోగానికి రాజీనామా చేసి, 2006 లో పబ్లిక్ కాజ్ రీసెర్చ్ ఫౌండేషన్ను స్థాపించారు.
2010 లో ప్రముఖ సామాజిక ఉద్యమకారుడు అన్నా హజారేతో కలిసి జన్ లోక్పాల్ బిల్లు ఆమోదం కోసం చేపట్టిన ఉద్యమంతో కేజ్రీవాల్ ఒక్కసారిగా వార్తల్లోకి ఎక్కారు. అవినీతి వ్యతిరేక ఉద్యమంలో రాజకీయ జోక్యంపై అన్నా హజారేతో విభేధించి ఆమ్ ఆద్మీ పార్టీ (ఆప్) పేరిట కేజ్రీవాల్ సొంత పార్టీని ఏర్పాటు చేశారు. 2013 ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీ పోటీ చేసి 70 స్థానాలకు గానూ కేవలం 28 సీట్లనే సాధించింది. కాంగ్రెస్ షరతులతో కూడిన మద్దతు ఇవ్వడంతో ప్రభుత్వాన్ని ఏర్పాటు చేసి కేజ్రీవాల్ ముఖ్యమంత్రి అయ్యారు. జన్ లోక్పాల్ బిల్లు ఆమోదంలో వైఫల్యాన్ని కారణంగా చూపుతూ 49 రోజులకే సీఎం పదవికి రాజీనామా చేశారు.
ఢిల్లీలో రాష్ట్రపతి పాలన విధించిన అనంతరం, 16 వ లోక్సభ ఎన్నికల్లో ఆయన వారణాసి నుంచి బీజేపీ ప్రధాన మంత్రి అభ్యర్థి నరేంద్ర మోదీపై పోటీ చేశారు. కానీ ఆ ఎన్నికల్లో ఆయన ఓడిపోయారు. 2015 ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీ 70 స్థానాలకు గానూ 67 స్థానాలను కైవసం చేసుకుని ఘన విజయం సాధించింది. కేజ్రీవాల్ ఢిల్లీకి ఏడవ ముఖ్యమంత్రిగా ప్రమాణస్వీకారం చేశారు.
తనదైన రాజకీయ దార్శనికత, ప్రజలకు సేవలందించాలన్న తపనతో దేశ రాజకీయాల్లో కేజ్రీవాల్ శిఖర సమాన స్థాయికి ఎదిగారు.
అరవింద్ కేజ్రీవాల్ వ్యక్తిగత జీవితం
| పూర్తి పేరు | అరవింద్ కేజ్రీవాల్ |
| పుట్టిన తేదీ | 16 Aug 1968 (వయస్సు 57) |
| పుట్టిన ప్రాంతం | శివాని, భివాని జిల్లా, హర్యానా, ఇండియా |
| పార్టీ పేరు | Aam Aadmi Party |
| విద్య | Graduate Professional |
| వృత్తి | సామాజిక ఉద్యమకారుడు , రాజకీయ నాయకులు |
| తండ్రి పేరు | గోబింద్ రామ్ కేజ్రీవాల్ |
| తల్లి పేరు | గీతా దేవి |
| జీవిత భాగస్వామి పేరు | సునీతా కేజ్రివాల్ |
| జీవిత భాగస్వామి వృత్తి | ఐఆర్ఎస్ అధికారి |
| సంతానం | 1 కుమారులు 1 కుమార్తెలు |
| మతం | హిందూ |
| వెబ్సైట్ | http://aamaadmiparty.org/ |
అరవింద్ కేజ్రీవాల్ నికర ఆస్తులు
అరవింద్ కేజ్రీవాల్ సంబంధించి ఆసక్తికరమైన విషయాలు
అరవింద్ కేజ్రీవాల్ రాజకీయ జీవితం
- 2015 : 2015 ఢిల్లీ శాసనసభ ఎన్నికల్లో పార్టీని ముందుండి నడిపించి ఘన విజయాన్ని సొంతం చేసుకున్నారు. ఫిబ్రవరి 14, 2015 ఆయన ఢిల్లీ ముఖ్యమంత్రి పీఠమెక్కారు.
- 2014 : 16 వ లోక్సభ ఎన్నికల్లో వారణాసి నుంచి బీజేపీ ప్రధాని అభ్యర్థి నరేంద్ర మోదీపై కేజ్రీవాల్ పోటీ చేశారు. కానీ ఆ ఎన్నికల్లో ఆయన 3,70,000 ఓట్ల తేడాతో ఓటమిపాలయ్యారు.
- 2013 : 2013 ఢిల్లీ శాసనసభ ఎన్నికల్లో ఆమ్ ఆద్మీ పార్టీ తొలి సారి పోటీ చేసింది. మొత్తం 70 స్థానాలకు గానూ 28 గెలుచుకుని రెండవ అతిపెద్ద పార్టీగా నిలిచింది. ప్రభుత్వాన్ని ఏర్పాటు చేసేందుకు ఏ పార్టీకి స్పష్టమైన మెజార్టీ లభించకపోవడంతో కాంగ్రెస్ షరతులతో కూడిన మద్దతివ్వడంతో ఆమ్ ఆద్మీ పార్టీ మైనార్టీ ప్రభుత్వాన్ని ఏర్పాటు చేసింది. డిసెంబరు 28, 2003 న అరవింద్ కేజ్రీవాల్ ఢిల్లీ ముఖ్యమంత్రిగా ప్రమాణస్వీకారం చేశారు. 49 రోజులు అధికారంలో కొనసాగాకా, 2014 ఫిబ్రవరిలో కేజ్రీవాల్ సీఎం పదవికి రాజీనామా చేశారు.
- 2012 : నవంబరు 26, 2012 నాడు అరవింద్ కేజ్రీవాల్ ఆమ్ ఆద్మీ పార్టీని ప్రారంభించారు. అవినీతి వ్యతిరేక ఉద్యమాన్ని కొనసాగిస్తూ జన్ లోక్పాల్ బిల్లు ఆమోదం విషయంలో కేజ్రీవాల్, అన్నా హజారేల అభిప్రాయ బేధాలతో ఈ పార్టీ ఏర్పాటుకు దారి తీసింది. అన్నా హజారే ఈ ఉద్యమం రాజకీయ రంగు పులుముకోకూడదని అభిప్రాయపడగా, కేజ్రీవాల్ మాత్రం ఎట్టి పరిస్థితుల్లోనూ రాజకీయ జోక్యం ఉండాల్సిందేనని స్పష్టం చేశారు.
గత చరిత్ర
- 2012: దేశ ప్రజాస్వామ్యం, అవినీతి అంశాలపై తన ఆలోచనల, అభిప్రాయాలను వ్యక్తపరుస్తూ స్వరాజ్ అనే పుస్తకాన్ని ఆయన రచించారు.
- 2006: ఆదాయ పన్ను శాఖ జాయింట్ కమిషనర్ ఉద్యోగానికి రాజీనామా చేసి, అవార్డు రూపేణా వచ్చిన డబ్బుతో ప్రత్యేక నిధిని ఏర్పాటు చేసి పబ్లిక్ కాజ్ రీసెర్చ్ ఫౌండేషన్ అనే స్వచ్ఛంధ సంస్థను ఏర్పాటు చేశారు.
- 1999: పరివర్తన్ అనే స్వచ్ఛంధ సంస్థను స్థాపించారు. విద్యుత్తు, ఆదాయ పన్ను, రేషన్ ఆహరా పదార్థాల విషయాలపై సామాన్య పౌరుల పక్షాన ఈ సంస్థ పోరాటం చేసింది.
- 1995: తన బ్యాచ్కే చెందిన తోటి ఐఆర్ఎస్ అధికారి సునీతను వివాహమాడారు.
- 1993: సివిల్ సర్వీసెస్ పరీక్షల్లో ఉత్తీర్ణులై, ఇండియన్ రెవెన్యూ సర్వీసెస్లో చేరారు.
- 1989: ఖరగ్పూర్ ఐఐటీ నుంచి 1989 లో మెకానికల్ ఇంజినీరింగ్ పట్టా పొందారు.
అరవింద్ కేజ్రీవాల్ సాధించిన విజయాలు
2005 : పరిపాలనలో పారదర్శకతను అందించినందుకు గానూ ఐఐటీ, కాన్పూర్ వారు ఆయనను సత్యేంద్ర కే. దూబే స్మారక అవార్డుతో సత్కరించారు.
2006 : వర్థమాన నాయకుల్లో ఒకరిగా రామన్ మెగసెసే అవార్డు
2006 : ప్రజా సేవ చేసినందుకు సీఎన్ఎన్-ఐబీఎన్ వార్షిక అవార్డు
2009 : సమర్థ నాయకత్వం అందించినందుకు ఐఐటీ, ఖరగ్పూర్ వారిచే పూర్వ విధ్యార్థి అవార్డు
2009 : అసోసియేషన్ ఫర్ ఇండియా డెవలప్మెంట్ వారి నుంచి గ్రాంట్ మరియు ఫెల్లోషిప్ అవార్డును అందుకున్నారు.
2010 : ఎకానమిక్ టైమ్స్ వారిచే పాలసీ ఛేంజ్ ఏజెంట్ ఆఫ్ ద ఇయర్ అవార్డును అందుకున్నారు.
Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.
భారత్లో పేరుగాంచిన నాయకులు
- యోగి ఆదిత్యనాథ్
- నిర్మలా సీతారామన్
- నితీష్ కుమార్
- నరేంద్ర మోడీ
- నారా చంద్రబాబు నాయుడు
- నవీన్ పట్నాయక్
- సోనియా గాంధీ
- సుబ్రమణియణ్ స్వామి
- భూపేష్ బాఘేల్
- గులాం నబీ ఆజాద్
- అసదుద్దీన్ ఓవైసీ
- అఖిలేశ్ యాదవ్
- అమిత్ షా
- అరవింద్ కేజ్రీవాల్
- శివరాజ్ సింగ్ చౌహాన్
- మాయావతి
- మెహబూబా ముఫ్తీ
- మనోహర్ లాల్ ఖట్టర్
- మమతా బెనర్జీ
- ఉద్ధవ్ థాకరే
- కల్వకుంట్ల చంద్రశేఖర్ రావు
- రాహుల్ గాంధీ
- రాజ్ నాథ్ సింగ్
- బీ ఎస్ యడ్యూరప్ప
- దేవేంద్ర ఫడ్నవీస్
- తేజస్వీ ప్రసాద్ యాదవ్
- హెచ్ డీ కుమార స్వామి
- పినరయి విజయన్
- ప్రియాంక గాంధీ వాద్రా
- ఎం కే స్టాలిన్
- వై ఎస్ జగన్ మోహన్ రెడ్డి
-
Sign in with Google
-
Block for 8 hours
-
Block for 12 hours
-
Block for 24 hours
-
Don't block
Click it and Unblock the Notifications
Informed.
- Male
- Female
- Others
- Under 18
- 18 to 25
- 26 to 35
- 36 to 45
- 45 to 55
- 55+