కనిమొళి

వృత్తిరీత్యా పాత్రికేయురాలు, కవయిత్రి కనిమొళి. 2007లో డీఎంకే అభ్యర్ధిగా రాజ్యసభకు ఎన్నికవడం ద్వారా రాజకీయాల్లోకి వచ్చారు. అప్పటినుంచి పార్టీలో ఆమె డీఎంకే కళా, సాహిత్యం, హేతువాద విభాగాల నాయకురాలిగా పలు కీలక హోదాలలో పని చేశారు. మహిళలు, న్యాయవాదుల సాధికారత కోసం ఆమె చేసే ఉపన్యాసాలు రాజకీయ రంగంలో ఆమెకు మంచి పేరుని తీసుకొచ్చాయి . ఆమె ది హిందూ నేషనల్ ప్రెస్ ఎంప్లాయిస్ యూనియన్ అధ్యక్షురాలిగా పని చేయడం విశేషం . ఆమె తమిళనాడు మాజీ ముఖ్యమంత్రి, దివంగత ఎం. కరుణానిధి కుమార్తె. కేంద్ర మాజీ ఎం.కే. అళగిరి, తమిళనాడు మాజీ ఉప ముఖ్యమంత్రి ఎం.కే స్టాలిన్ చెల్లెలు. గొప్ప రాజకీయ నేపథ్యం గల కుటుంబం నుంచి వచ్చినప్పటికీ ఆమె స్వతంత్రగానే ఎదిగారు . ఉపరాష్ట్రపతి ఎం.వెంకయ్యనాయుడు చేతుల మీదుగా ఆమె ఉత్తమ పార్లమెంటేరియన్ అవార్డును అందుకున్నారు.