ఆంధ్రప్రదేశ్ అసెంబ్లీ ఎన్నికలు 2024

ఆంధ్రప్రదేశ్ (Andhra Pradesh)

2019 ఏప్రిల్ 11న జరిగిన ఏపీ అసెంబ్లీ ఎన్నికల్లో చంద్రబాబు నేతృత్వంలోని టీడీపీ కోటను జగన్ నాయకత్వంలోని వైయస్సార్‌సీపీ కూల్చింది. ఈ ఎన్నికలు సార్వత్రిక ఎన్నికలతో పాటు జరిగాయి.ఈ ఎన్నికల్లో తెలుగుదేశం పార్టీ (టీడీపీ), యువజన శ్రామిక రైతు కాంగ్రెస్ (వైయస్‌ఆర్‌సీ), జనసేన పార్టీలు ప్రధాన పార్టీలుగా పోటీచేశాయి.



175 స్థానాలున్న ఆంధ్రప్రదేశ్ అసెంబ్లీకి 151 స్థానాలు గెలుచుకుంది వైయస్సార్ కాంగ్రెస్ పార్టీ. ఉమ్మడి ఆంధ్రప్రదేశ్‌ విడిపోయాక ఏపీకి రెండవ ముఖ్యమంత్రిగా జగన్మోహన్ రెడ్డి బాధ్యతలు చేపట్టారు. విజయవాడలోని ఇందిరిగాంధీ మున్సిపల్ కార్పొరేషన్ స్టేడియంలో అట్టహాసంగా జరిగిన ప్రమాణ స్వీకారోత్సవంలో ఏపీ ముఖ్యమంత్రిగా ప్రమాణ స్వీకారం చేశారు.



2014లో పవన్‌ కళ్యాణ్ పార్టీ జనసేన, భారతీయ జనతాపార్టీతో కలిసి చంద్రబాబు నాయుడు తెలుగుదేశం పోటీ చేసింది. ప్రభుత్వ ఏర్పాటుకు కావాల్సిన మ్యాజిక్ ఫిగర్ 88 ఉండగా మిత్రపక్షాలతో కలిపి టీడీపీ 175 సీట్లకు గాను 103 స్థానాల్లో విజయం సాధించింది.