అది ఓ కన్నీటి సముద్రం... రాహుల్ గాంధీ సంచలన వ్యాఖ్యలు

ప్రధాని తీసుకున్న నోట్లరద్దు నిర్ణయం ఓ ‘అనాలోచిత నిర్ణయమనీ’... ‘విషాదం’ అనే మాటకు ఏమాత్రం తక్కువ కాదని కాంగ్రెస్ ఉపాధ్యక్షుడు రాహుల్ గాంధీ వ్యాఖ్యానించారు.

న్యూఢిల్లీ: పెద్దనోట్లు రద్దు చేసి ఏడాది అయిన సందర్భంగా ప్రధానమంత్రి నరేంద్ర మోడీపై కాంగ్రెస్ ఉపాధ్యక్షుడు రాహుల్ తనదైన శైలిలో విరుచుకుపడ్డారు. ప్రధాని తీసుకున్న నోట్లరద్దు నిర్ణయం ఓ 'అనాలోచిత నిర్ణయమనీ'... 'విషాదం' అనే మాటకు ఏమాత్రం తక్కువ కాదని ఆయన వ్యాఖ్యానించారు.

బుధవారం ట్విటర్ వేదికగా రాహుల్ స్పందిస్తూ... 'నోట్ల రద్దు ఓ విషాదం. ప్రధాని తీసుకున్న అనాలోచిత నిర్ణయం కారణంగా జీవితాలు, జీవనోపాధి కోల్పోయిన కోట్లాది మంది నిజాయితీపరులైన భారతీయులకు మేము అండగా ఉంటాం...' అని వ్యాఖ్యానించారు.

ఈ సందర్భంగా రాహుల్ ఓ హిందీ పద్యాన్ని కూడా ఉటంకించారు. 'ఒక్క కన్నీటి బొట్టు కూడా ప్రభుత్వానికి ప్రమాదకరమే. అయితే మీరు ఇంతటి కన్నీటి సముద్రాన్ని చూసి ఉండరు...' అని రాహుల్ వ్యాఖ్యానించారు. దీనికి ఆయన జతచేసిన ఓ వృద్ధుడి ఫోటో కంటతడి పెట్టించేలా ఉంది.

డబ్బు చేతికి అందక ఏటీఎం ముందు నిలబడి ఆ వృద్ధుడి విలపిస్తున్న దృశ్యం నెటిజన్లను కదిలిస్తోంది. రాహుల్ పోస్టు చేసిన నాలుగు గంటల్లోనే 5 వేల మంది దీన్ని రీట్వీట్ చేయగా... 10 వేలమంది నెటిజన్లు లైక్ చేశారు. రెండు వేలమందికి పైగా స్పందిస్తూ కామెంట్లు రాశారు.

"एक आँसू भी हुकूमत के लिए ख़तरा है
तुमने देखा नहीं आँखों का समुंदर होना" pic.twitter.com/r9NuCkmO6t

— Office of RG (@OfficeOfRG) November 8, 2017

English summary

Congress vice president Rahul Gandhi on the noteban anniversary on Wednesday (8 November) termed demonetisation as a "tragedy" and a "thoughtless act" and alleged that due to it livelihood of millions of honest Indians were destroyed. He said his party stood with all those people who have suffered due to demonetisation, which was announced this day last year by the prime minister. Taking a poetic dig at the government, he tweeted in Hindi that even a single tear spelt danger for the government and one has not seen an ocean coming out of the eyes, tagging a picture of some poor people crying while standing in queues. "Demonetisation is a tragedy. We stand with millions of honest Indians, whose lives and livelihoods were destroyed by PM’s thoughtless act," he said on Twitter.