వాళ్లను వదలొద్దు- రఘురామ, పవన్ కళ్యాణ్ డిమాండ్..!

ఇవాళ ఏపీలోని ఉండి నియోజకవర్గంలోని పెదపేటలో రామాలయానికి డిప్యూటీ స్పీకర్ రఘురామకృష్ణంరాజు (raghurama krishnam raju) వెళ్లిన సమయంలో ఆయనతో స్థానికులు వాగ్వాదానికి దిగారు. అనంతరం ఆయనతో పాటు ఉన్న కూటమి కార్యకర్తలపై దాడులు చేశారు. వారు కూడా దీటుగానే స్పందించారు. దీంతో రఘురామకృష్ణంరాజు ఈ దాడుల నుంచి తృటిలో తప్పించుకున్నారు. దీనిపై రఘురామరాజుతో పాటు పవన్ కళ్యాణ్ కూడా ఘాటుగా స్పందించారు.

శ్రీరామ నవమి పర్వదినం సందర్భంగా ఉదయం ఆకివీడు పెదపేటలోని రామాలయానికి రామ భక్తులతో కలిసి వెళ్లానని, దళిత ముసుగులో ఉన్న క్రైస్తవులు తాను రాముల వారిని దర్శనం చేసుకుంటున్న సమయంలో పెద్దగా కేకలు వేసి, అక్కడి నుండి బయలుదేరిన వెంటనే ఆలయం వద్ద ఉన్న రామ భక్తులపై కత్తులతో దాడి చేసి చాలా మందిపై హత్యా ప్రయత్నం చేశారని రఘురామ తెలిపారు. ఇటీవల గౌరవ సుప్రీం కోర్టు ఇచ్చిన తీర్పు అనుసరించి వెంటనే వారిపై కఠిన చర్యలు తీసుకోవాలని కోరారు పండుగ రోజున, హిందూ దేవాలయంలో హిందువులపై ఈ దాడులు చేయించిన వారిని చట్ట ప్రకారం కఠినంగా శిక్షించాలన్నారు.

శ్రీరామ నవమి పర్వదినం సందర్భంగా ఈరోజు ఉదయం ఆకివీడు పెదపేటలోని రామాలయానికి రామ భక్తులతో కలిసి వెళ్లాను. దళిత ముసుగులో ఉన్న క్రైస్తవులు నేను రాముల వారిని దర్శనం చేసుకుంటున్న సమయంలో పెద్దగా కేకలు వేసి, నేను అక్కడి నుండి బయలుదేరిన వెంటనే ఆలయం వద్ద ఉన్న రామ భక్తులపై కత్తులతో దాడి చేసి… pic.twitter.com/wgu3CHTNQj

— K Raghu Rama Krishna Raju (RRR) (@KRaghuRaju) March 27, 2026

మరోవైపు పవన్ కళ్యాణ్ (pawan kalyan)కూడా ఈ ఘటనపై స్పందించారు. హిందువులు అత్యంత పవిత్రంగా జరుపుకొనే శ్రీరామ నవమి రోజున, ఆకివీడులో రామాలయానికి పూజలో పాల్గొనేందుకు వెళ్లిన ఉప సభాపతి రఘురామకృష్ణంరాజు, ఆయన అనుచరులపై, జనసేన నాయకులపై కొంతమంది వ్యక్తులు ఆయుధాలతో దాడి చేయడం తీవ్రంగా ఖండిస్తున్నట్లు తెలిపారు. పండుగ రోజు ఆలయం దగ్గర ఈ దాడి జరగడం వెనుక కుట్ర కోణం ఉన్నట్లుగా అనిపిస్తోందన్నారు.ఈ ఘటనను అత్యంత తీవ్రంగా పరిగణించి, దాడి వెనుక ఎవరున్నారో విచారణ జరిపి, చట్టపరంగా కఠినంగా శిక్షించాలని పోలీస్ శాఖకు సూచించారు. ఈ దాడిలో గాయపడిన వారు త్వరగా కోలుకోవాలని ఆకాంక్షించారు.

హిందువులు అత్యంత పవిత్రంగా జరుపుకొనే శ్రీరామ నవమి రోజున, ఆకివీడులో రామాలయానికి పూజలో పాల్గొనేందుకు వెళ్లిన గౌరవ శాసనసభ ఉప సభాపతి @KRaghuRaju గారిపై, ఆయన అనుచరులపై, జనసేన నాయకులపై కొంతమంది వ్యక్తులు ఆయుధాలతో దాడి చేయడం తీవ్రంగా ఖండిస్తున్నాను.

పండుగ రోజు, ఆలయం దగ్గర ఈ దాడి జరగడం…

— Deputy CMO, Andhra Pradesh (@APDeputyCMO) March 27, 2026