కాన్రాడ్ కోంగ్‌క‌ల్ సంగ్మా

కాన్రాడ్ కోంగ్‌క‌ల్ సంగ్మా, మేఘాల‌యా మాజీ ముఖ్య‌మంత్రి పీ.ఏ. సంగ్మా కుమారుడు. చ‌దువు పూర్త‌యిన వెంట‌నే రాజ‌కీయాల్లోకి అడుగుపెట్టారు. పెన్సిల్వేనియా విశ్వ‌విద్యాల‌యంలోని వార్ట‌న్ స్కూలు నుంచి బిజినెస్ అడ్మినిస్ట్రేష‌న్ ఇన్ ఎంట‌ర్‌ప్రెన్యూర‌ల్ మేనేజ్‌మెంట్‌లో బ్యాచిల‌ర్ డిగ్రీని పూర్తి చేశారు. లండ‌న్‌లోని ఇంపీరియ‌ల్ కాలేజీ నుంచి ఫైనాన్స్‌లో ఎంబీఏ పూర్తి చేశారు.

2004 అసెంబ్లీ ఎన్నిక‌ల సంద‌ర్భంగా ఆయ‌న తొలిసారి రాజ‌కీయాల్లోకి అడుగుపెట్టారు. ఆ ఎన్నిక‌ల్లో 182 ఓట్ల‌ తేడాతో ఆయ‌న ఓడిపోయారు. ఆ త‌ర్వాత 2008లో త‌న సోద‌రుడితో క‌లిసి అసెంబ్లీకి ఎన్నిక‌య్యారు. 2016 మార్చిలో త‌న తండ్రి మ‌ర‌ణానంత‌రం, ఆయ‌న నేష‌న‌ల్ పీపుల్స్ పార్టీ అధ్య‌క్షుడ‌య్యారు. అనంత‌రం 16వ లోక్‌స‌భ ఎన్నిక‌ల్లో తుర నియోజ‌క‌వ‌ర్గం నుంచి ఎంపీగా గెలిచారు. 2018 అసెంబ్లీ ఎన్నిక‌ల్లో ఆయన పార్టీ 19 సీట్ల‌ను గెలుచుకుని, మ‌రికొన్ని చిన్న పార్టీల‌తో క‌లిసి సంకీర్ణ ప్ర‌భుత్వాన్ని ఏర్పాటు చేయ‌గా, సంగ్మా మేఘాలయా ముఖ్య‌మంత్రి అయ్యారు. ప్ర‌స్తుత ప్ర‌భుత్వంలో ఆర్థిక శాఖా బాధ్య‌త‌ల‌ను కూడా ఆయ‌నే చూస్తున్నారు. ఆయ‌న‌కు ఒక సోద‌రుడు, ఇద్ద‌రు సోద‌రిలు ఉన్నారు. ఆయ‌న సోద‌రుడు జేమ్స్, సోద‌రి అగాథా కూడా రాజ‌కీయ నాయ‌కులే కావ‌డం విశేషం.